Astana qalalyq Qoǧamdyq keŋesınıŋ 15 qyrküiek künı ötken otyrysynda bırqatar memlekettık mekemeler körsetetın memlekettık qyzmetterdıŋ reglamentın bekıtu, jergılıktı özın-özı basqaru organdarynan aumaqtyq keŋester qūru jäne taǧy basqa mäseleler qaraldy.
Eŋ aldymen qalalyq Işkı saiasat basqarmasy Äkımşılık-qūqyqtyq jūmys bölımınıŋ jetekşısı Dosjan İsabektıŋ Astana qalasyndaǧy jergılıktı özın-özı basqaru organdarynan aumaqtyq keŋester qūru mäselesıne qatysty baiandamasy tyŋdaldy.
– Būl mäsele keŋes müşelerınıŋ qarauyna būdan būryn berılıp, talqylanǧan bolatyn. Sondyqtan normativtık qūqyqtyq aktı jobasyndaǧy özgerıske bırden köşeiın. Bügıngı toq eter äŋgıme aumaqtyq keŋesterdıŋ şekarasy jönınde bolady. Bız qazırgı uaqytta alty aumaqtyq keŋestıŋ şekarasyn aiqyndadyq. Onyŋ bıreuı – Esıl audanynda, ekeuı – Saryarqa, üşeuı Almaty audanynda ornalasady. Būl aumaqtar audan äkımderımen kelısılgen. Sony bekıtulerıŋızdı sūraimyn, – dedı Dosjan Asqarūly.
Keŋes müşelerı būl jobany bırden maqūldai qoimady. Bırqatar deputattar «Jalpy, qalada 25 sailau okrugı bar, osyndai ülken aimaqtan tek qana 6 aumaqtyq keŋes qūryla ma? Būl tym az emes pe? Mäselen, Esıl audanynda bır ǧana aumaqtyq keŋes bolady eken. Mūny älı zerttei tüsu qajet» degen pıkır bıldırdı. Işkı saiasat basqarmasynyŋ ökılı aumaqtyq keŋes şekarasy sol jaqtaǧy tūrǧyndardyŋ sanyna bailanysty belgılenıp otyrǧanyn tüsındırıp berdı. Bıraz talqyǧa salǧannan keiın, keŋes müşelerı aiqyndalǧan alty aumaqtyq keŋestıŋ şekarasyn maqūldady.
Būdan soŋ Astana qalalyq Tūrǧyn üi basqarmasynyŋ basşysy Ruslan Ahmetov jinalǧandarǧa «Tūrǧyn üige mūqtaj azamattarǧa kommunaldyq tūrǧyn üi qorynan berılgen tūrǧyn üidıŋ nemese jergılıktı atqaruşy organnyŋ jeke tūrǧyn üi qorynan jaldaǧan tūrǧyn üidıŋ boluy (bolmauy) turaly anyqtama beru» memlekettık körsetıletın qyzmet reglamentıne qatysty Astana qalasy äkımdıgınıŋ 2015 jylǧy 10 mausymdaǧy № 182-933 qaulysyna özgerıs engızu jönındegı jobasyn tanystyrdy. Keŋes müşelerı mūndaǧy özgerısterdı bırauyzdan qabyldady.
Al Astana qalalyq Säulet jäne qūrylys basqarmasynyŋ memlekettık qyzmetterdıŋ reglamentterın bekıtu jäne osyǧan qatysty elorda äkımdıgınıŋ 2015 jylǧy 19 qaraşadaǧy № 120-2110 qaulysyna özgerıster engızu turaly normativtık qūqyqtyq akt jobasyn keŋes müşelerı maqūldaǧanymen, basqarmanyŋ qyzmet körsetu sapasyna bırqatar syn aitty. Qyzmet körsetudı halyqqa tiımdı etıp ūiymdastyru jönınde keŋes berdı.
Astana qalalyq İnvestisiia jäne damu basqarmasynyŋ basşysy Älışer Äbdıqadyrov būl jiynda «Turizm salasyndaǧy körsetıletın memlekettık qyzmetterdıŋ reglamentterın bekıtu turaly» äŋgımeledı. Jobany maqūldaǧan keŋes müşelerı basqarmaǧa turizm salasyn damytuǧa qatysty şaralardy jetıldıre tüsudı tapsyrdy.
Meŋdolla NŪRYMŪLY
