KEDEN BEKETINDEGI KEDERGISIZ QYZMET
Astana äuejaiynda elorda arqyly jük tasymaldau infraqūrylymy damytylady. Ötken beisenbı künı sol maqsatta äuejaida jükter men tauarlardy kedendık resımdeuge arnalǧan keden beketınıŋ ǧimaraty paidalanuǧa berıldı.
Osyǧan bailanysty «Astana halyqaralyq äuejaiy» AQ basqarma töraǧasy Paolo Richiotti men «Äuejai-Astana» keden beketınıŋ basşysy Asqar Bekbergenovtıŋ qatysuymen baspasöz mäslihaty ūiymdastyryldy. Onda äuejai basşylyǧy jaŋa ǧimarattyŋ qyzmetı jaily jan-jaqty aqparatpen tanystyrdy.
A. Bekbergenovtıŋ aituynşa, jalpy audany 270 şarşy metrdı alatyn keden beketı astanalyq äuejaida kedendık resımdeudı oŋailatu maqsatynda aşylǧan. Atap aitsaq, bekette elektrondyq kezek qyzmetı engızılgen. Būl qyzmet türı arqyly jügın nemese tauaryn resımdeimın degen adam ūzyn-sonar kezekte tūrmai, jūmysyn tezırek bıtıre alady. Sondai-aq, resepşn aumaǧynda klientterdıŋ sūraqtaryna jauap beretın keŋesşıler jūmys ısteidı. Keden beketınde klientterge kedergısız qyzmet körsetuge arnalǧan «open space» jüiesı de ornatylǧan.
Keden beketı ǧimaratynyŋ aşyluy jük infraqūrylymyn damytu jolyndaǧy alǧaşqy qadamdardyŋ bırı bolyp sanalady. Äuejaidyŋ aldaǧy josparlaryna jük tasymaldaudy ılgerıletu üşın jaŋa keŋse men qoimalardy salu, jük terminaly qyzmetın barşa tūtynuşylarǧa qoljetımdı etu jūmystary engızılgen.
Kelesı qadam retınde tekseru-ötkızu beketın jük terminaly ǧimaratynyŋ artyna köşıru közdelgen. Būl jospar jüzege asqan jaǧdaida, jük terminalynyŋ qyzmetı klientterge eş kedergısız atqarylady.
Būǧan qosa, derekterdı öŋdeu men kedendık qūjat ainalymy mäselelerınde tūtynuşylardyŋ Astana äuejaiymen qarym-qatynasy jeŋıldetıledı.
«EKSPO-2017» halyqaralyq mamandandyrylǧan körmesı qarsaŋynda Astana äuejaiyndaǧy jük tasymaldau infraqūrylymyn damytu maŋyzdy jūmystardyŋ qataryna kırıp otyr. Äuejai basşylyǧynyŋ sözınşe, Ortalyq Aziiada ırı habty qūru maqsatynda äuejaida jük infraqūrylymyn da, jolauşylar infraqūrylymyn da damytu jūmysy jalǧasady.
Amanǧali QALJANOV