Astanada jyl saiyn dästürge ainalǧan 1 tamyzdan bastap 30 qyrküiekke deiın «Mektepke jol» respublikalyq aksiiasy öttı. Biylǧy igılıktı şara «Baqytty balalyq şaq mekenı» degen atpen ūiymdastyryldy. Aksiia aiasynda 6 myŋnan asa oquşyǧa äleumettık kömek körsetıldı.
Izgılıktı ıstıŋ maqsaty – jaŋa oqu jyly qarsaŋynda köpbalaly jäne az qamtylǧan otbasylarǧa, jetım men ata-anasynyŋ qamqorlyǧynan tys qalǧan jetkınşekterge materialdyq jäne basqadai qoldau körsetu.
Şara barysynda 6 158 az qamtylǧan jäne köpbalaly otbasylarǧa 72 mln 473 myŋ teŋge kölemınde kömek körsetıldı, onyŋ ışınde 4 632 balaǧa 49 mln 338 myŋ teŋgege demeuşılık qarjy jūmsaldy.
Aksiia aiasynda qalalyq Bılım basqarmasynyŋ jauapty tūlǧalary, polisiia qyzmetkerlerı men bılım mekemelerınıŋ mamandary 165 610 päter jäne jekemenşık üi, 1 972 jyly jai nysany, sonymen bırge sauda nüktelerı men köŋıl köteru oryndary jäne tūrǧyn üi jertölelerın aralady. Qorytyndysynda bılımmen 22 jasöspırım qamtylmai qalǧany anyqtaldy.
Sonymen qatar, «Euraziia», «Jannūr» sekıldı ırı sauda oryndary men ortalyq bazar aumaǧynda kiım-keşek pen mektepke kerektı jabdyqtarǧa arnalǧan konteinerler qoiyldy. Elorda äkımdıgınıŋ aldyndaǧy alaŋda mektep järmeŋkesı ötkızıldı. Oǧan 10 myŋnan astam adam qatysty. Järmeŋkede mektep formasy, keŋse tauarlary men oqulyqtar satyldy. Sol şaraǧa qatysqan kompaniialar qatarynda otandyq öndıruşılerdıŋ sany basym boldy.
Sondai-aq, 200-den asa tūrǧyn balalardy mektepke ornalastyru, tiıstı qūjattardy daiarlau men qalpyna keltıru boiynşa Bılım basqarmasy men «Qūqyq» qoǧamdyq qorynyŋ ökılderınen konsultasiialyq kömek aldy. Barlyq mektepterde «Bırınşı synypqa bırınşı ret», «Otbasydan otbasyǧa järdem: balany mektepke jinaiyq» jäne «Balalarǧa bırge kömekteseiık» atty şaralar ūiymdastyryldy.
Azamat ESENJOL
