ALTYN QŪRSAQTY ANALAR MARAPATTALDY
Keşe Esıl audany äkımınıŋ orynbasary Berık Ahmetjanov köp balaly analarǧa altyn jäne kümıs alqany saltanatty türde tabys ettı. Atalǧan igı şara «Ūly Dala elı – Täuelsızdıktıŋ 25 negızı» 25 jūldyzdy kün aiasynda «Ūlaǧatty äulet» degen atpen öttı.
1995 jyldyŋ 12 jeltoqsandaǧy «Qazaqstan Respublikasynyŋ memlekettık nagradalar turaly» zaŋyna säikes 7 balasy bar analarǧa «Altyn alqa» beru qarastyrylǧan. Sondai-aq, atalǧan zaŋnyŋ arqasynda 6 balaly analar «Kümıs alqaǧa» ie bolyp, marapattaluy tiıs bolatyn. Osyny nazarǧa alǧan Esıl audany äkımdıgı köp balaly analardy altyn jäne kümıs alqamen marapattap, syi-siiapat jasady.
Mäselen, Berık Temırtasūly
7 balanyŋ anasy Klara Omarbekqyzynyŋ moinyna altynnan alqa taqty. Sonymen qatar, ol Samal Ämıreeva, Äsemgül Begalova, Nūrgül Bektūrǧanova, Ainūr Bidaşeva, Jūmagül Ziiatbekova, Ainagül Sartaevaǧa «Kümıs alqa» tabystady.
Berık Temırtasūlynyŋ aituynşa, Esıl audanynyŋ halqy kün ötken saiyn köbeiıp keledı. Aitalyq, soŋǧy statistika boiynşa audan halqynyŋ sany 118 myŋnan asqan körınedı. Būǧan, ärine, altyn qūrsaqty analarymyzdyŋ qosyp otyrǧan ülesı zor. Solardyŋ bırı – jetı balany tärbielep otyrǧan qyryq jastaǧy Klara Omarbekqyzy. Onyŋ aituynşa, qazırgı uaqytta köp balaly ana atanu oŋai emes. Alaida ol, soǧan qaramastan, qazaqtyŋ sanyn köbeitıp jatqanyn maqtanyşpen tılge tiek ettı.
– Ülken qyzym tūrmysqa şyqqan. Qazır 6 balamyzben otbasymyzda tatu-tättı ǧūmyr keşıp jatyrmyz. Üş balam №69 mektep-
gimnaziiasynda bılım alady, al qalǧan üşeuın üide tärbielep jatyrmyz. Joldasym qūrylys salasynda jūmys ısteidı. Qyrǧyzstannan Qazaq elıne 2005 jyly köşıp kelıp, azamattyq alǧan bolatynbyz. Al eŋ kışı ūlyma 1 jas
7 ai boldy. Ükımettıŋ bergen kömegınıŋ arqasynda bala-şaǧamyzdy asyrap, el qatarly tırşılık keşıp jatyrmyz, – deidı Klara Omarbekqyzy.
Altyn jäne kümıs alqa iegerlerıne sūlulyq salondarynyŋ qojaiyndary syilyq retınde arnaiy sertifikattar tabystady. Endı olar osy sertifikattyŋ arqasynda sän salondaryna baryp, özderıne kütım jasai alatyn boldy. Al altyn qūrsaqty analardyŋ balalary Esıl audany äkımınıŋ
atynan jaŋa jyl şyrşasyna arnaiy şaqyrtu aldy.
Serık QŪDAIBERGENŪLY