Amal merekesın toilady
Elımızdıŋ batys öŋırlerınde Ūlystyŋ ūly künı Nauryz meiramyn toilau 14 nauryzdan bastalyp kettı. Mäselen, biyl Maŋǧystauda Ruhani jaŋǧyru baǧdarlamasy aiasynda halyqty yntymaq pen bırlıkke bastaityn dästürlı Amal merekesı tūŋǧyş ret respublikalyq deŋgeide toilandy. Atap aitqanda, «Amal-2018» mädeni şarasyna elu kiız üi tıgılıp, elımızdıŋ bırqatar aimaqtarynan önerpazdar jinalyp, öner körsettı.
Oblys äkımı Eraly Toǧjanovtyŋ şeşımıne säikes, «Amal-2018» merekesın respublikalyq deŋgeide toilau baǧdarlamasy boiynşa Otpan tau – tarihi mädeni keşenınde 13 nauryzdan bastalǧan mädeni ıs-şaralar 14 nauryz künı ūltymyzdyŋ salt-dästürlerı men önerı keŋınen atap ötıldı. Auqymdy ötken şaraǧa jan-jaqtan at aryltyp kelgen 5 myŋnan astam adam qatysty. Dübırlı mädeni şarany ūiymdastyruda jergılıktı Älım ūrpaqtary da üles qosty.
Biylǧy basty erekşelık, Amal merekesıne elımızdıŋ bırqatar oblystary da atsalysty. Atap aitqanda, Atyrau, Qyzylorda, Oŋtüstık Qazaqstan, Şyǧys Qazaqstan oblystarynan, Almaty jäne Astanadan qonaqtardyŋ keluı şaranyŋ auqymdy ötkenınıŋ dälelı boldy. Sondai-aq, körşı memleketter – Türkımen elınen, Özbekstannan, Reseidıŋ Samara, Astrahan syndy qalalarynan da qonaqtar keldı.
Jyldyŋ basy bolyp sanalatyn ūlyq mereke sporttyq jarystarmen bastaldy. Otpan tauda Qazaqstannyŋ är oblysynan, är audanynan keletın qūrmettı qonaqtarǧa arnalyp berekelı dastarhan daiyndaldy. Jergılıktı şeberlerdıŋ qolynan şyqqan būiymdardan järmeŋke de ūiymdastyrylǧan.
Sol künı Otpan taudaǧy Aqsaraida «Amal merekesı – ruhani jaŋǧyruymyzdyŋ jarşysy» atty döŋgelek üstel öttı. Şaraǧa jan-jaqtaǧy körşı oblystardan qonaqtar jinaldy. Tarqatyp aitsaq, Qaraǧandy, Şyǧys Qazaqstan, Atyrau oblysy jäne Türkıstan qalasynan kelgen ziialylar bas qosyp, öz oilaryn ortaǧa saldy. Jiynda Elbasynyŋ ūlt qūndylyqtaryna qatysty maqalasy keŋınen talqylanyp, oi-pıkır aityldy. Ol jerde Amal merekesı men körısu dästürınıŋ män maǧynasy tüsındırıldı.
Basqosuǧa türlı oblystan arnaiy kelgen qonaqtar toidyŋ keremet ötıp jatqandyǧy jäne onyŋ jastarǧa bererı mol ekendıgın atap öttı. Türkıstan qalasy «Äzıret Sūltan» memlekettık tarihi-
mädeni qoryq-muzei direktory Nūrbolat Ahmetjanov mūrajaiǧa arnaiy äkelgen syiyn tartu ettı.
Maŋǧystau oblysy äkımı Eraly Toǧjanov jinalǧan jūrtşylyqty amal merekesımen qūttyqtady. Respublikalyq ardagerler ūiymy Ortalyq keŋesı töraǧasynyŋ bırınşı orynbasary, professor Ömırzaq Ozǧanbaev merekege jinalǧan qauymǧa igı tılek tılep, aqjoltai sözın aitty.
Oblys äkımı bastaǧan top keşkısın Otpan taudyŋ eŋ biıgındegı «Adai ata» kesenesı basynda «Bırlık otyn» tūtatty. Bır-bırıne aqjarma tılekterın arnaǧan jūrtşylyq merekelık konserttı tamaşa tabiǧat aiasynda köterıŋkı köŋıl-küimen qyzyqtady.
Telman BEISENOV