Balabaqşaǧa joldama alu jüiesı özgerdı

Elordada 2018 jyldyŋ aqpanynan bastap «Mektep jasyna deiıngı balalar mekemelerıne joldama beru üşın mektep jasyna deiıngı balalardy kezekke qoiu» jönınde jaŋa memlekettık standart engızıldı. Sondai-aq, kezekke qoiu rettılıgı men balabaqşaǧa joldama berudı avtomattandyru boiynşa ädıstemelık ūsynys jasaldy.
2 säuırden bastap ıske qosylatyn jaŋartylǧan jüiege säikes, ärbır äke-şeşe elektrondy sifrly qoltaŋba aluy tiıs. 

Astana qalasy Bılım basqarmasynyŋ basşysy Änuar Jan­­ǧozin jüienıŋ artyqşy­lyq­tarymen bölıstı. Elektrondy sifrlyq qoltaŋbany paidalana otyryp, balanyŋ äke-şeşesı www.e.astana.kz jüiesıne kıredı. Onda balaǧa tiesılı mälımetterdı toltyryp, öz telefon nömırı men elektrondy poştasyn qaldyruy tiıs. Eger jeŋıldık sanatyna jatatyn bolsa, ony da körsetu qajet. Mūnyŋ bärı jüiede paida bolǧan oryn turaly aqparatty alyp otyru üşın mındettı türde kerek.

Jeŋıldık ielerıne «üşten bır» qaǧidasy jüredı

Körsetılgen elektrondy poş­taǧa jäne telefon nömırıne kezektıŋ kelgendıgı turaly habarlama jıberıledı. «Eger ata-ana taŋerteŋgı saǧat 9-dan keşkı 8-ge deiın balabaqşany taŋdap, joldamany osy uaqyt merzımınde qabyldap almasa, būl oryn kezekte tūrǧandardyŋ bärıne ortaq bolmaq. Alaida balabaqşany taŋdamaǧan ötınış beruşı kezekte qala beredı» dep tüsındırdı Änuar Janǧozin. Bas­qarmadaǧylardyŋ pıkırınşe, būl kezektıŋ jyldam jyljuyna mümkındık beredı. Al būryn habarlama kelgennen keiın balabaqşadaǧy oryn 5 künge deiın saqtalatyn bolǧan.
Ata-ana ūnaǧan mekemenı taŋ­daǧannan keiın, balaǧa joldama berıledı. Bes jūmys künı ışınde sol balabaqşaǧa baru kerektıgı eskerıledı. Eger belgılı bır sebeptermen 5 jūmys künınde oryndy alu mümkın bolmasa, ony küntızbelık 30 künge deiın ūzartuǧa bolady. Al, kerısınşe, ata-ana joldama alyp, 5 jūmys künı ışınde balabaqşaǧa kelmese, joldama avtomatty türde jaramsyz bolyp şyǧady. Eger ötınış beruşı joldamanyŋ berılgen künınen ekı märte keşıkse, bala avtomatty türde kezekten alynady.
– Bızdıŋ paiymdauymyzşa, köp jaǧdaida kezek azaiuy yqtimal. Degenmen köbeiuı de ǧajap emes. Būl jeŋıldık sanattaǧy balalar kezegın ornalastyruǧa bailanysty, – degen basqarma basşysy jeŋıldık jüiesıne kımder jatatynyn aityp berdı.
Bırınşı, kezekten tys joldama alatyndar – äskeri qyzmetkerlerdıŋ balalary. Mektepke deiıngı bılım beru mekemesınde oryn bolsa, būl kategoriiada­ǧylar kezekten tys joldama alady. Kelesı bolyp bırınşı ke­zektegıler – mügedek balalar, ata-ana qarauynsyz qalǧandar, jetımder, köp balaly otbasynan şyqqan balalar, erekşe kütım men bılımdı qajet etetınder. Būl sanattaǧylar joldamany «üşten bır» qaǧidasy boiynşa alady. Iаǧni jeŋıldık sanattaǧy ötınış beruşı jäne jalpy negızdegı üş ötınış beruşıge qatarynan berıledı.

Jetı jasqa tolǧandar kezekten  şyǧarylady

Jaŋa jüie jetı jasqa tolǧan barlyq balalardy kezekten şyǧaryp tastady. Sonymen qatar, ata-ana jyl boiy balabaqşaǧa oryn aluǧa qyzyǧuşylyq tanytpasa, kezekten şyǧarylady. Oǧan jol bermes üşın www.e.astana.kz jüiesıne kırıp, öz ötınışıŋızdı qadaǧalap otyrsaŋyz bolǧany.
Eskeru kerek, ūsynylǧan derekterdıŋ zaŋdylyǧy turaly sūraq tuyndasa, jüie ötınış qabyldaudan bas tartuy mümkın. 2017 jyldyŋ qaŋtarynda balabaqşadaǧy oryndardy böludıŋ aşyqtyǧyn qamtamasyz etu üşın elordadaǧy mektepke deiıngı ūiymdarǧa, onyŋ ışınde memlekettık tapsyrysy bar jekemenşık balabaqşalarǧa avtomatty türde joldama beru jüiesı ıske qosyldy.
Bügıngı taŋda būl qyzmet ata-analarǧa www.e.astana.kz jü­iesınde elektrondy sifrlyq qoltaŋbany paidalanu arqyly qoljetımdı. Osy künge deiın jüie arqyly 25 myŋnan astam joldama berıldı.

Jaŋa jüie jan-jaqty tüsındırıledı

Jyldyŋ qorytyndysy bo­iynşa taldau jasalyp, jüiede memlekettık qyzmet körsetudıŋ jaŋa standartyna säikes funksional keŋeitıldı.
Balabaqşaǧa joldama alu kezegı ata-analardyŋ ötınışınde körsetılgendei, balanyŋ tuǧan jylyna säikes bıryŋǧai qalalyq kezek boiynşa jüzege asyp, naqty bır balabaqşa kezegı bolmaidy. Kezekke qoiu retı ötınış berılgen künnen bastalady.
Jüienıŋ artyqşylyǧy onyŋ täulık boiy jūmys ısteitındıgı jäne prosestı üzdıksız jürgızıp, ümıtkerler arasynda bos oryndardy böluge mümkındık beruınde. Mektepke deiıngı ūiymdardyŋ basşylary tarapynan bos oryndar boiynşa aqparat jüiege jıberılıp, soǧan säikes bos oryndar tızımı jaŋartylady.
Azamattarǧa kömek retınde qoldau qyzmetınıŋ jūmysy qarastyrylǧan (telefon: 46-67-56, akimat.itfactory@gmail.com), sondai-aq basqarma qyzmetkerlerınen de kömek sūrauǧa bolady.
Jaŋa jüienı büge-şügesıne deiın halyqqa tüsındıru jūmys­taryn jürgızu maqsatynda 31 nauryz, 7 jäne 14 säuır künderı qalalyq ekı oquşylar saraiynda jäne №61 mektepte aşyq esık künderı ötpek.
Qazırgı taŋda elordada kezekte tūrǧan büldırşınder sany 26 myŋǧa jetken. Balalardy mektepke deiıngı bılımmen qamtamasyz etu körsetkışı 80 paiyzdy qūraidy.

Aqyly qyzmet te körsetıledı

Biyl elordadaǧy memlekettık jäne jekemenşık balabaqşalarǧa 24 myŋ adamǧa deiın qabyldau josparlanuda.
Taǧy bır jaŋalyq, 2 säuırden bastap memlekettık mektepke deiıngı mekemelerıne aqyly qyzmet körsetuge rūqsat etılmek. Būdan būryn oǧan tyiym salynǧan bolatyn. Balabaqşalarda standart boiynşa tegın negızınde körsetıletın mındettı qyzmetter tızımı özgerıssız qalady. Aqyly qyzmetter tek ata-analardyŋ ötınışı boiynşa şarttyq negızde ūsynylady. Elordalyq balabaqşalarynda aqyly üiırmelerdıŋ baǧasy şamamen 1500-4500 teŋge aralyǧynda bolmaq. Basqarma bas­şysy Änuar Janǧozin būl baǧa köpşılıkke qoljetımdı degen oida. «Mäselen, horeografiia sabaqtaryna aiyna – 1500 teŋge, şet tılderı 2500 teŋge şamasynda töleisız. Al sporttyq üiırmelerdıŋ baǧasy odan qymbattyraq bolady. Sebebı ol üşın syrttan jattyqtyruşylardy tartyp, qajettı qūral-jabdyqtardy satyp alu kerekpız. Balalardyŋ äke-şeşelerı balabaqşa meŋ­geruşısımen kelıse otyryp, büldırşınderge qajettı dep tap­qan üiırmenı engızuge ūsynys jasaidy» dedı ol.
Mamandardy syrttan da, mekeme ışınen de tabuǧa bolatynyn aitqan Änuar Janǧozin būl bastama balabaqşa mamandarynyŋ köŋılge qonymsyz jalaqysyna üstemaqy retınde qosymşa qarjy tabuǧa mümkındık beretınıne senedı.

Güldana TALǦATQYZY