Dostyq üiınde «Qazaqstan halqy assambleiasyna 25 jyl» merekelık medaldaryn tapsyru saltanaty öttı. Şara aiasynda resmi türde atalmyş ordanyŋ «ANK live» studiiasy aşyldy.
Eldegı qoǧamdyq kelısımnıŋ nyǧaiuyna, Qazaqstan halqynyŋ bırlıgın qamtamasyz etuge qosqan eleulı ülesı üşın, sondai-aq Qazaqstan halqy assambleiasynyŋ 25 jyldyǧy qūrmetıne «Qazaqstan halqy assambleiasyna 25 jyl» merekelık medalımen Qazaqstan halqy assambleiasy «Jyr ortalyǧynyŋ» jetekşısı Almasbek Almatov, ūiǧyr etnomädeni bırlestıgı töraǧasynyŋ orynbasary Renat Tahtaev pen Nargizam Mahmudova, ukrain etnolingvistikalyq mektebınıŋ jetekşısı Elena Saenko marapattaldy.
Nūr-Sūltan qalasy Işkı saiasat basqarmasynyŋ basşysy Däuren Babamūrat tösbelgılerdı tapsyru räsımınde assambleianyŋ ındet kezındegı eŋbegın atap ötıp, qala halqyn Täuelsızdık künımen qūttyqtady.
– Dostyq üiı elımızdegı qanşama ūlt ökılderın bır arnada toǧystyryp otyr. Qazaqstan halqy assambleiasynyŋ pandemiia kezınde eldıŋ damuyna qosqan ülesı joǧary. Halyq üşın qyzmet etkenderdıŋ eŋbegı elenuı qajet. Tötenşe jaǧdaida qanşama qyzmet türlerı körsetıldı. Jalpy, «ANK live» studiiasy 3 aidan berı qala igılıgıne jarap keledı. Degenmen mıne, bügın Dostyq üiındegı igı ısterdıŋ qanatyn keŋge jaidyratyn jaŋa studiia resmi türde aşyldy. Barşa qazaqstandyqtardy Täuelsızdık künımen qūttyqtaimyn, – dedı D.Babamūrat.
«ANK Live» studiiasy tıkelei efirde sūhbat, brifing, debat pen onlain kezdesu ötkızuge arnalǧan. Qūny 8 million teŋgelık zamanaui tehnikamen jabdyqtalǧan studiia aldaǧy uaqytta Dostyq üiınıŋ ǧana emes, astananyŋ türlı taqyryptardy talqylaityn dialog alaŋyna ainalady.
Nūr-Sūltan qalasyndaǧy Nur Otan partiiasy sailau qorynyŋ qarajatynan tölendı.
