Nūr-Sūltan qalasynda Qazaqstan Halyq partiiasy atynan QR Parlamentı Mäjılısınıŋ deputattyǧyna kandidattar Oljas Syzdyqov pen İslam Sūŋqar erekşe balalarǧa arnalǧan «Spina bifida» qorynyŋ basşylarymen, ata-analarmen kezdesu ötkızdı. Oǧan Zoom-beinekonferensiiasyna qosylu mümkındıgı qarastyryldy.
Kezdesude ata-analar arqa bifida auruy, medisinalyq qyzmet körsetu sapasy jäne äleumettık kepıldıkke qatysty mäselelerdı köterdı. Dialog kezınde Qazaqstan Halyq partiiasynyŋ sailaualdy platformasy ūsynyldy. Onda Qazaqstan Respublikasynyŋ ärbır azamatyn qoljetımdı jäne sapaly medisinamen qamtamasyz etuge bırınşı kezekte basymdyq berılgen.
– Densaulyq saqtau jüiesı köp jaǧdaida därmensızdık tanytady. Mūny emhanaǧa nemese auruhanaǧa jügıngen ärbır qazaqstandyq jaqsy bıledı. İnnovasiialardyŋ baqylausyz engızıluı jyldar boiy jinaqtalǧan artyqşylyqtardyŋ joǧaluyna alyp keldı. Medisinaǧa jūmsalatyn şyǧyndy jedel türde arttyryp, mındettı medisinalyq tekserudıŋ jäne azamattardy emdeudıŋ kepıldı kölemın ūlǧaitu kerek. Memleket auyr nauqastardy emdeuge arnalǧan barlyq şyǧystardy öteuge tiıs, – dedı Oljas Syzdyqov.
İslam Sūŋqardyŋ aituynşa, memleket ärbır adamnyŋ densaulyǧyna män beruı kerek. Alaida olardyŋ esebınen paida tabuǧa jol berılmeuı tiıs.
– Äleumettık saqtandyru qorynyŋ qarjysyn emhanalar men auruhanalardy jaŋǧyrtuǧa jūmsau kerek. Medisinalyq mekemelerdı tehnologiialyq tūrǧydan qaita jabdyqtau qajet. Būl rette medisinalyq personaldyŋ qūzyretın arttyru da maŋyzdy. Jalǧan därı-därmekterdı satqandar üşın qylmystyq jazany qataŋdatu kerek, – dedı İslam Sūŋqar.
Kezdesu barysynda spikerler QHP sailaualdy baǧdarlamasynyŋ negızgı baǧyttaryn tüsındırdı. Partiianyŋ bastamalary äleumettık memleket qūruǧa, Qazaqstan azamattarynyŋ müddelerı men qūqyqtaryn qorǧauǧa baǧyttalǧan.
Is-şara sailaualdy ügıt-nasihat nauqany aiasynda ūiymdastyryldy.
