Memleket basşysy Qazaqstan qarjygerlerı kongresınıŋ qatysuşylaryna beineündeu joldady. Qasym-Jomart Toqaev beineündeuınde jiynǧa qatysuşylardy Qazaqstan qarjygerlerı kongresınıŋ aşyluymen qūttyqtap, būl elımız üşın airyqşa maŋyzdy oqiǧa ekenın atap öttı.
«Biylǧy basqosu Ūlttyq valiuta künı jäne Täuelsızdıgımızdıŋ 30 jyldyǧy qarsaŋynda ötıp jatyr. Mūnyŋ simvoldyq mänı zor. Öitkenı töl teŋgemız – Eldıgımız ben Egemendıgımızdıŋ şynaiy belgısı. Bız toqsanynşy jyldardyŋ basynda negızgı naryqtyq reformalardy jüzege asyrdyq. Qarjy qatynastaryn keşendı türde qaita qarap, jaŋǧyrttyq. Älemdegı ozyq täjıribenı eskere otyryp, bank salasyna tübegeilı özgerıster engızdık. Elımızdıŋ tolyqqandy qarjylyq infraqūrylymy jasaldy. Sonyŋ nätijesınde qor jinap, ony tiımdı jūmsauǧa mümkındık tudy. Sondai-aq auqymdy investisiiaǧa jol aşyldy» dedı Memleket basşysy.
Prezidenttıŋ aituynşa, bız syndarly memlekettık saiasattyŋ arqasynda bäsekege qabılettı qarjy sektoryn qalyptastyrdyq. «Qazaqstannyŋ qarjy salasy öŋırdegı eŋ ozyq jüie sanalady. Bügınde onyŋ jiyntyq aktivı 35 trillion teŋgeden asady. Būl – elımızdıŋ ışkı jalpy önımınıŋ teŋ jartysynan köp» dedı Qasym-Jomart Toqaev.
Memleket basşysy ötken jyldyŋ basynda koronavirus pandemiiasy jäne onyŋ saldary älem ekonomikasyna orasan zor ziian keltıretının eşkım kütpegenın atap öttı. Sondai-aq naryqtardyŋ qūldyrauy keiıngı jüz jylda bolǧan eŋ aituly oqiǧanyŋ bırı ekenın aitty. «Memlekettık jäne halyqaralyq instituttardyŋ qabyldaǧan teŋdessız şaralary jaǧdaidyŋ odan ärı şielenısıp ketuıne jol bermedı. Alaida şikızat, sauda jäne qarjy salalaryndaǧy ahual älı de qūbylmaly bolyp tūr. Jahandyq syn-qaterler men ürdısterdı eskere otyryp, qarjy salasyn odan ärı damytu – memlekettıŋ basym baǧyttarynyŋ bırı. Būl rette eldıŋ ekonomikalyq ösımın qoldau onyŋ negızgı mındetı bolyp qala beredı. Memleket qiyn kezeŋderde otandyq qarjy sektoryn ünemı qoldady. Sonyŋ arqasynda bügınde bankterdıŋ jūmysy tūraqty ärı ekonomikany nesielendıretın äleuetı joǧary. Sondyqtan olar ekonomikany jyldam qalpyna keltırude jäne ony odan ärı ärtaraptandyruda negızgı röl atqaruǧa mındettı» dedı Prezident.
Qasym-Jomart Toqaev otandyq qor naryǧyn, sonyŋ ışınde ekonomikany qarjylandyrudyŋ taǧy bır maŋyzdy közıne ainaluy qajet «Astana» halyqaralyq qarjy ortalyǧyn belsendı damytu kerek ekenın atap öttı. Memleket basşysynyŋ paiymdauynşa, qazırgı kezeŋde jahandyq qarjy instituttarynyŋ qarqyndy damuyna, körsetıletın qarjylyq qyzmetterdı barynşa sifrlandyruǧa bailanysty mındetterdı de eskeru qajet. «Būl mäseleler baiypty talqylaudy jäne teŋgerımdı şeşımderdı ızdestırudı qajet etedı. Osy baǧyttardyŋ däiektı damuy elımızdıŋ bäsekege qabılettılıgın arttyruǧa qosymşa jol aşady. Tüptep kelgende, halqymyzdyŋ äl-auqatyn arttyru – memlekettık organdardyŋ, qarjy instituttarynyŋ aldyndaǧy ortaq mındet» dedı Memleket basşysy.
Qazaqstan Prezidentı atalǧan jiyn elımızdıŋ qarjy salasyn nyǧaita tüsu üşın tiımdı şaralar äzırleuge septıgın tigızetınıne senetının jetkızdı. Beineündeu soŋynda qarjy jüiesınıŋ qyzmetkerlerın taǧy da käsıbi merekesımen qūttyqtap, kongress jūmysyna tabys tıledı.
