«Otan üşın otqa tüs, küimeisıŋ». Sarbazdar sapynda sap tüzeudı özıne zor mındet tūtqan otanşyl jastarymyz az emes. Solardyŋ bırı – QR Memlekettık küzet qyzmetı Nysandardy qorǧau qyzmetınıŋ Astanadaǧy «Aibyn» Prezidenttık polkı» 0112 äskeri bölımınde Otan aldyndaǧy boryşyn ötep jürgen sarbaz Aŋsar Şamşollaev.
«Aibyn» Prezidenttık polkı» 0112 äskeri bölımı – QR Prezidentınıŋ jäne joǧary lauazymdy tūlǧalarynyŋ qauıpsızdıgın, maŋyzdy memlekettık nysandardyŋ küzetın baqylaityn aldyŋǧy qatarly äskeri qūrylym. Merzımdı jauyngerlık qyzmettı būl qūrylymnyŋ qatarynda atqaru – sarbazdar üşın ülken abyroi, asqan jauapkerşılık. Osynau jeke qūramnyŋ qataryna elımızdıŋ tükpır-tükpırınen, är oblystan densaulyǧy jaqsy, mınez-qūlqy, jeke qasietterı tūrǧysynan üzdık dep tanylǧan jastar taŋdalyp alynady. Būl tūryǧda jauynger Aŋsar Şamşollaevtyŋ osy qatardan tabyluy – onyŋ tärbiesı men bılımınıŋ, tiianaqtylyǧy ärı jauapkerşılıgı ekenı sözsız.
Aŋsar Şamşollaev 2000 jyly Astana qalasynda düniege kelıp, elordadaǧy №58 mektep-gimnaziiasynda bılım alǧan. Ol äskeri qyzmetınıŋ bırınşı künderınen bastap jauyngerlık ömırdıŋ qyr-syryn üirenuge zor yntamen kırısıp, özıne jüktelgen mındetterdı atqaru kezınde de belsendılık tanytuda. Salmaqty sözı men ısı bır arnaǧa toǧysyp, qarapaiym mınezımen qarulastarynyŋ qataryna tez sıŋısıp ketken körınedı. Jauyngerlık jäne memlekettık-qūqyqtyq daiyndyq sabaqtarynda da komandirlerınen üirenıp, köŋılge tüigenın dūrys qoldanyp, jauyngerlık daiyndyq normativterın de ünemı eŋ üzdık baǧaǧa oryndap jür. Özıne senıp tapsyrylǧan qarudyŋ qūrylymyn, taktikalyq-tehnikalyq sipattamasyn, qyzmet körsetu tärtıbın jetık meŋgergendıkten, atys daiarlyǧynda da üzdık nätijeler körsetude. Jauyngerlık kezekşılıkte ärdaiym qyraǧylyq tanytyp, äskeri mındetın asqan jauapkerşılıkpen atqarǧany üşın bırneşe ret marapatqa da ie bolypty.
