Būlaqtai syŋǧyrlaǧan ǧajaiyp dauysymen halqymyzdyŋ «Aqbaiany» atanǧan Qazaqstannyŋ halyq ärtısı Mädina Eralievany jūrtşylyq ūmyta qoimaǧan bolar. Öner tūnǧan Syr boiynan qanat qaǧyp, 1978 jyly Qazaq memlekettık qyzdar pedagogikalyq institutyn bıtırgen jas maman bıraz jyldar Almatydaǧy ädebiet jäne öner institutynda qyzmet ısteidı. 1985 jyldan ǧūmyrynyŋ soŋyna deiın Almaty oblystyq filarmoniiasynyŋ jetekşı änşısı boldy.
Daryndy önerpaz äp degennen özınıŋ näzık te syrşyl, äuezdı dauysymen köpşılıktıŋ süiıktı änşısıne ainaldy. Onyŋ oryndauyndaǧy «Aiqaraköz», «Qoǧaly-ai», «Jylqy ışınde ala jür» atty halyq änderı özgeşe qūlpyryp, ūlttyq naqyş-boiauymen tyŋdarmannyŋ köŋılınen jol taba bıldı. Äsırese, aqyn Jarasqan Äbdıraşevtıŋ sözıne jazylǧan, muzykasyn Qaldybek Qūrmanälı şyǧarǧan «Kırmeşı jiı tüsıme» atty tamaşa tuyndyny tamyljytyp oryndady. Mädinanyŋ baǧyn jandyrǧan äsem dünienıŋ bırı – kompozitor Gülnar Däukenovanyŋ «Saǧyndym, saǧym jyldar» änı. Jürektıŋ näzık qylyn şertetın mūndai äuezdı ändı Mädinadai oryndaityn eşkım joq. Al Mūqaǧalidyŋ sözıne jazylǧan Gülnardyŋ taǧy bır «Küreŋ küz» änı Eralievanyŋ önerdegı jolyn mäŋgıge bederledı.
Mıne, osyndai artyna öşpes ız qaldyrǧan bırtuar önerpazdyŋ bas şahardaǧy Ūlttyq muzeidıŋ törınde 1970-1995 jyldary özı paidalanǧan baian aspaby tūr. Mūrajai qyzmetkerı Läilä Noǧaibekqyzynyŋ aituynşa, būl kūndy mūrany «Muzeige syi-tartu» şarasy aiasynda ūly Ärsen syilaǧan. Sondai-aq, būdan basqa, 2016 jyly sıŋlısı Saǧira Eralieva men balasy Ärsen änşınıŋ sahnalyq bas kiımın, köilegın, aiaq kiımın, sömkesın, änderı jazylǧan diskısın, qysqasy talantty tūlǧa tūtynǧan 10 zatty mūrajaiǧa ötkızgen. Bügınde onyŋ bärı qorda saqtalǧan. Ūlttyq muzeige barsaŋyz, jaqsydan qalǧan jädıgerlerdı köruge bolady.
