«Aqjainaqqa» aldanǧandar köp
Qazırgı taŋda azamattarǧa ziianyn tigızetın alaiaqtyq qylmys jiılep kettı. Sonyŋ bırı – Amangül esımdı änşı qūrǧan qarjylyq piramidanyŋ üstınen qylmystyq ıs qozǧaluda.
Astana qalasy Polisiia departamentınıŋ tergeu basqarmasynda QR Qylmystyq kodeksı-nıŋ 190-baby boiynşa qylmystyq ıs tergep-tekserılude. Belgılı änşı 2018 jyldyŋ şılde aiynda äl-auqaty tömen otbasylarǧa, mügedekterge, jalǧyzbasty analarǧa jäne aqşasy joq mūqtaj jandarǧa materialdyq tūrǧydan kömek bergısı keletının aityp, «Aqjainaq» dep atalatyn qarjylyq ūiym qūrǧan. Ūiymǧa är qatysuşy şamasyna qarai 20 000 teŋgeden qarajat salǧan. 5-10 künnıŋ ışınde öz atynan taǧy ekı adam alyp kelgen jaǧdaida salǧan aqşasy ekı eselenıp, 40 000 teŋgege ösıp otyrǧan. Eger taǧy da ekı adam tartsa, bastapqy salǧan 20 000 teŋgesın eş qiyndyqsyz alyp otyrǧan eken. Osylaişa atalǧan ūiym 2018 jyldyŋ tamyz aiyna deiın jalǧasyp, nätijesınde bırneşe adamǧa materialdyq şyǧyn keltırgen.
Aldyn ala tergeu barysynda anyqtalǧandai, 2018 jyldyŋ şılde aiynyŋ 18-ne deiın aqşa salǧan adamdar öz qarjylaryn ekı eselep alǧan, al keiınnen qosylǧandardyŋ barlyǧy betterın sipap qaldy.
Mūndai derekterdıŋ jiıleuı halyqtyŋ sanasynda būl ıs-äreketterdıŋ aqyry jalǧan, alaiaqtyq ekendıkterın bıle tūra, jeŋıl jolmen öz aqşalaryn eselep alu maqsatynda materialdyq tūrǧydan keletın qauıpke baruy bolyp otyr.
Astana qalasynyŋ Polisiia departamentı alaiaqtyqtyŋ qūrbany bolmas üşın telefon arqyly belgısız tūlǧalardyŋ ärtürlı ūsynystaryna senbeuge, adamdardyŋ jäne ūiymnyŋ zaŋdy qūjattaryna köz jekızbei, memlekettık ūiymdardan zaŋdylyǧyn teksermei jatyp, eşqandai aqşa jäne qūndy zattaryn ūsynbaudy eskertedı.