Seisenbı künı elordada bolǧan qaiǧyly oqiǧa qoǧamdy dür sılkındırdı. Kündızgı 14.30 şamasynda №40 avtobustyŋ jürgızuşısı körsetılmegen jerden joldy qiyp ötıp bara jatqan 15 jasar qyzdy qaǧyp öltırdı. Astanadaǧy sauda-ekonomikalyq kolledjınıŋ studentı jaiau jürgınşıler ötkelınen nebärı 80 metrden joldy qiypty. Al jol-kölık oqiǧasy bolǧan kezde avtobus 53 km/saǧat jyldamdyqpen jüitkıp kele jatqan. Rūqsat etılgen jyldamdyq kölemı – 50 km/saǧat.
Qoǧamdyq kölıkte 9 jyl eŋbek ötılı ber jürgızuşı būǧan deiın eşqandai jol jüru erejelerın būzbaǧan, basşylyǧynan da eskertu almaǧan. «Tergeu jürgızuge bailanysty avtobustyŋ jürgızuşısı jūmysynan bosatyldy. Jol-kölık oqiǧalaryna sebepşı bolǧan avtobustardyŋ jürgızuşılerı jedel jūmystan quylyp, «qara tızımge» engızıledı. Demek, olar qoǧamdyq kölıkte jūmys ıstei almaidy» dep mälımdedı brifingte «Astana LRT» JŞS basqarma töraǧasynyŋ orynbasary Beibıt Esjanov. Kompaniia basşylyǧy qaiǧyly jaǧdaidan qaza tapqan qyzdyŋ tuǧan-tuystaryna köŋıl aitty.
Qaiǧyly jaǧdaidan eşkım qorǧalmaǧan. Desek te, avtobus tızgındegen jandardyŋ adamnyŋ ömırıne şybyn qūrly qaramaityny qynjyltady. Elımızdegı ärbır ekınşı jol-kölık oqiǧasy – jaiau adamdy basyp ketken jürgızuşılerge tiesılı. Juyrda IIM-nıŋ Äkımşılık polisiiasy komitetınıŋ resmi ökılı İrina Lukianina jyl basynan berı elımızde 540 adamdy kölık qaǧu oqiǧalary tırkelgenın habarlady. Jaiau jürgınşılerdıŋ kınäsınen bolǧan qaiǧyly jaǧdailarda 115 adam köz jūmyp, 450 adam ärtürlı jaraqat alǧan. Aua raiynyŋ qolaisyzdyǧy kezınde körsetılmegen jerden joldy qiyp ötu asa qauıptı. Mūny balalar men jasöspırımderge künde eskertuımız kerek.
Būl jerde jelıkken jürgızuşılerdı de sütten aq, sudan taza dei almaimyz. Qazır Astanada «qara tızımge» engen 143 jürgızuşı men 85 konduktor bar eken. Aitpaqşy, 1 qazannan bastap elordalyq jürgızuşılerge aiyppūl töleu jüiesı engızıldı. Sol uaqyttan berı 600-den asa jürgızuşı ereje būzyp, aiyppūl töleptı. 18-20 qazan aralyǧynda bas qalada «Avtobus» atty jedel aldyn alu ıs-şaralary ötkızılgen. Jaǧa ūstatarlyǧy, osy şaranyŋ bır künınde ǧana jol jüru erejelerınıŋ 160-tan asa būzylǧany anyqtalǧan. Al endeşe! 16 jürgızuşı auany lastaityn avtokölıkter men jyljymaly qūraldardy paidalanǧan, 14-ı avtobus rölınde otyryp ūialy telefonmen söilesıptı, 12-sı manevr jasau erejesın būzǧan, 10-y tehnikalyq tekserısten ötpegen avtobustardy paidalanǧan, 10-ǧa juyǧy jyldamdyqty asyrǧan.
