ARDAGERLERIN ARDAQTAǦAN AUDAN
Saryarqa audany – Astanadaǧy eŋ ülken audandardyŋ bırı ärı mūnda negızınen tūrǧylyqty adamdar köp. Sodan bolar, audan basşylary soǧys jäne eŋbek ardagerlerınıŋ basyn qosyp, ärdaiym aq dastarhan basyna jinap, qūrmettep jatady. Sol kezde olardyŋ köŋılderı köterılıp, qoǧamǧa qajet ekendıkterın sezınıp, bır quanyp qalady.
Şynyn aitsaq, bügınde ardagerler eşteŋege mūqtaj emes. Tek ystyq yqylas pen meiırım-qūrmet olardy bır jasartyp tastaityny anyq. Ūlystyŋ ūly künı qarsaŋynda atalmyş audanda sondai bır kezdesu öttı.
Mahambet Ötemısov atyndaǧy Oquşylar saraiynyŋ direktory Qūralai Mūqyşeva bastǧan mūǧalımder ūjymy önerlı oquşylarymen bırge qart ardagerlerdı ızetpen qarsy aldy. Odan soŋ Ūly Otan soǧysynyŋ ardagerı, qart jauynger Qamatai Toqabaev söz alyp, ūiymdastyruşylarǧa alǧys aitty.
Bügınde Saryarqa audanynda 116 soǧys ardagerı men mügedegı tūrady. Solardyŋ eŋ ülkenı 101 jasta bolsa, eŋ jasy 85-te eken. Audan boiynşa soǧys ardagerlerınıŋ bärı eleusız qalmaidy. Olar üşın şai dastarqandary jasalyp, jüre almaityndarǧa üidı-üige syilyqtar taratylyp, qūrmet körsetıledı.
Halyqaralyq äielder merekesı qarsaŋynda atalmyş audan äkımınıŋ apparaty zeinet jasyndaǧy 50 äieldı Abai köşesınıŋ boiyndaǧy «Iаmaika» kafesıne şaqyryp, merekelık şara ūiymdastyrdy. Dämhana ūjymy 2012 jyly – 25, 2013 jyly 35 adamǧa jäne biyl 50 adamǧa qairymdylyq dastarqanyn jaiypty. Osyǧan orai, dämhananyŋ direktory Jäniia Saǧadievaǧa, qyzmetkerlerı Marat Aqşimov, Olga Borisova men aǧa aspazşy Toqjan Aldabergenovaǧa dän rizaşylyǧymyzdy bıldıremız.
Önerlı azamattardan da kende emespız. Ardagerler keŋesı janynan dombyraşylardyŋ folklorlyq ansamblın qūrǧan Kenjetai Janūzaqova jaqynda Saryarqa audandyq ardagerler keŋesı janynan şahmatşylar klubyn da ūiymdastyrdy. Özı şahmat komandasynyŋ kapitany. Olar Esıl audanynda ötken şahmat turnirınde bırınşı oryndy jeŋıp aldy.
Ardagerlerge arnalǧan osyndai taǧy bır igı şarany Q.Quanyşbaev atyndaǧy teatrdyŋ ūjymy da ūiymdastyrdy. Olar audan zeinetkerlerıne biletter berıp, 50-den astam ardager äieldıŋ E.Juasbektıŋ «Üilenu» atty komediiasyn tegın tamaşalaularyna mümkındık jasady. Al, №4 emhanada ötken merekelık şara barysynda Astanadaǧy №56 mekteptıŋ oquşylary qart analarǧa tamaşa konsert ūiymdastyrdy.
Qoryta aitsaq, Saryarqa audanynyŋ äkımşılıgı de, audannyŋ ardagerler keŋesı de zeinetkerler üşın auqymdy ıs-şaralar ūiymdastyryp keledı. Basqa ūjymdar osy audannyŋ jūmysynan ülgı alsa deimız.
Ǧaliia BALTABAI,
qr mädeniet qairatkerı, zeinetker