Ärıptesterımız prezident alǧysyn aldy
«Vecherniaia Astana» qoǧamdyq-saiasi gazetınıŋ şyǧarmaşylyq ūjymy BAQ qyzmetkerlerı künıne orai Memleket basşysy Qasym-Jomart Toqaevtyŋ alǧysyn aldy.
«QR Prezidentınıŋ alǧysy «Adyrna» ūlttyq portalynyŋ, «Ashyq alan» qoǧamdyq-saiasi tok-şouynyŋ, «Astana» radiosynyŋ, «Vecherniaia Astana» qoǧamdyq-saiasi gazetınıŋ şyǧarmaşylyq ūjymdaryna tabystaldy» dep jazylǧan Aqordanyŋ resmi saitynda.
Memleket basşysynyŋ elordalyq basylymǧa qūrmet körsetıp, nazar audaruynyŋ özı – ülken märtebe. Elorda Aqparat JŞS
qūramyna kıretın būl gazet aqparattyq alaŋdaǧy ülken bäsekede oq boiy ozyp şyqty.
Mäselen, 2022 jyldyŋ mamyr aiyndaǧy mälımet boiynşa, elımızde 5173 BAQ tırkelgen bolsa, sonyŋ ışınde 3672-sı – merzımdı baspa basylymdar, sonyŋ 2179-y – gazetter. Iаǧni, 2 myŋnan asatyn gazetterdıŋ arasynan üzdık bolu – taza eŋbek pen şynaiy patriotizmnıŋ ülgısı!
Mıne, 30 jyldan astam uaqyt boiy oqyrmandaryn quantyp, aqparat berumen qatar elordanyŋ jylnamasyn jazyp kele jatqan basylymnyŋ bedelı zor. Būl bedel men abyroiǧa jetu üşın ärıptesterımız 30 jyldan asa uaqyt ter tögıp keldı. Qazır «Vecherniaia Astana» gazetın aşyp oqysaŋyz, täuelsız Qazaqstannyŋ barlyq oqiǧalaryn, keşegı azattyq alǧan künnen bastap bügıngı «Jaŋa Qazaqstandy» qūruǧa jasalǧan qadamdardy köresız. Olai bolsa, barlyq ärıptesterımızdı osynau märtebelı marapatymen şyn jürekten qūttyqtaimyz!
Sonymen qatar, mereke qarsaŋynda «Elorda Aqparat» JŞS-na qarasty «Astana aqşamy», «Vecherniaia Astana» gazetı ūjymdarynyŋ qyzmetkerlerı de jeke marapattar aldy. «Astana aqşamy» qoǧamdyq-saiasi gazetınıŋ bas redaktory Erkın Qydyr QR Prezidentı Qasym-Jomart
Toqaevtan alǧys hat aldy jäne
«Qazaqstannyŋ qūrmettı jurnalisı» belgısımen marapattaldy. «Astana aqşamy» gazetınıŋ şoluşysy Aigül Uais pen «Vecherniaia Astana» gazetınıŋ şoluşysy Aigül Äljaqsinaǧa Qazaqstan Respublikasy Qarjy ministrlıgınıŋ alǧys haty jäne atalǧan ministrlıktıŋ 100 jyldyǧyna orai estelık tösbelgısı berıldı.