Arnaiy oryndyq – qauıpsızdık kepılı
Astana qalasy Jergılıktı polisiia qyzmetkerlerı jaŋa oqu jylynyŋ alǧaşqy künderınen bastap jürgızuşılerge balalardy alyp jürudıŋ qauıpsız joldary turaly tüsındıre bastady.
«Baiqaŋyz, balalar!» jedel aldyn alu şarasy aiasynda ötıp jatqan aqparattyq-tüsındırme jūmystary kezınde jol inspektorlary mekteptıŋ maŋaiyndaǧy jürgızuşılerge arnaiy bukletter taratyp, avtokreslo men arnaiy ūstau qūrylǧylaryn qalai dūrys taŋdau kerektıgın tüsındırdı. Sondai-aq, kölık ielerı balalarǧa arnalǧan oryndyqtardyŋ qai türı qauıpsız ekenın, ony qalai ornatu kerektıgı jönınde jan-jaqty maǧlūmat aldy.
Älbette, mūndai qauıpsızdık şaralaryn ärbır jürgızuşı bılgenı dūrys. Sebebı, kölık apatynan jolda demı üzılıp, auyr jaraqat alyp jatqan jetkınşekter barşylyq. Aitalyq, jyl basynan berı Astanada 58 jol-kölık oqiǧasy bolsa, onda 58 bala ärtürlı dene jaraqatyn alǧan. Auyr jaraqat alǧan 20 jetkınşek kölıkke arnaiy ūstau qūrylǧynsyz otyrypty.
Düniejüzılık densaulyq saqtau ūiymynyŋ mälımetı boiynşa kölıktegı balaǧa arnalǧan arnaiy oryndyqtar jasöspırımder arasyndaǧy ölım-jıtım körsetkışın – 54 paiyzǧa, auyr jaraqat aludy 92 paiyzǧa azaitady.
Kışkentai balalardy avtokreslosyz alyp jürgen jürgızuşıler äkımşılık jauapkerşılıkke tartylady. Biylǧy jyldyŋ alǧaşqy jetı aiynda osy erejenı saqtamaǧan 580 elordalyq jürgızuşı tiıstı jazasyn alǧan.
Astana qalasy IID Jergılıktı polisiia qyzmetınıŋ inspektory Läzzät Bisembaevanyŋ aituynşa, elımızdıŋ jol jüru erejelerı turaly zaŋnamasy boiynşa 12 jasqa deiıngı balalar kölıkte otyrǧanda, arnaiy qūrylǧymen qamtamasyz etıluı tiıs. Erejenı elemegenderge 5 ailyq eseptık körsetkış, iaǧni 10 605 teŋge kölemınde aiyppūl salynady.
Qymbat Nūrǧali