Astana äkımdıgın transformasiialaudyŋ ekınşı kezeŋı
Elorda äkımı Baqyt Sūltanov Astana äkımdıgı apparatynyŋ kezektı otyrysynda qala äkımdıgın transformasiialaudyŋ ekınşı kezeŋı bastalǧanyn jariialady.
Qala äkımınıŋ aituynşa, transformasiialaudyŋ bırınşı kezeŋı ekonomikalyq tiımdılıktı, memlekettık apparat jūmysynyŋ sapasy men jedeldıgın arttyruǧa öz septıgın tigızdı. 2018 jyly transformasiialau men jaŋa täsıldemelerdı engızudıŋ arqasynda Astana äkımdıgı 27,6 mlrd teŋgenı ünemdedı.
Jaŋa özgerıs boiynşa, qazırgı qarjy, biudjettık jäne strategiialyq josparlau basqarmalary jaŋa ekonomika basqarmasy bolyp bırıktırılıp, qalanyŋ strategiialyq damuy men basym sektorlardy damytu arqyly jaŋa ekonomikany jasaqtauǧa jauap beretın bolady. Sonymen qatar, Qalalyq ortany renovasiialau basqarmasy qūrylady. Oǧan qūrylys jäne tūrǧyn üi saiasaty, qalalyq ortany regenerasiialau, qorşaǧan ortany qorǧau jäne tabiǧatty paidalanu basqarmalary kıredı.
«Jobalyq-baǧdar ädısın qoldanu arqyly äleumettık nysandar men tūrǧyn üi qoryn salu, jobalyq basqarudyŋ äleuetın paidalana otyryp, äkımdıktıŋ tapsyrys beruşı retındegı rölın nyǧaitu, barlyq müddelı taraptarmen tiımdı qarym-qatynas ornatu, smart-jobalardy ıske asyru qajet» dedı qala äkımı.
Keşendı jäne jüielı şeşımder arqyly biudjet qarajatyn tiımdı paidalanudy arttyru kerektıgın aitqan äkım qalany jasyldandyru jūmysyna da basa nazar audarudy tapsyrdy. «Tabiǧatty paidalanu salasynda qalany jasyldandyru jūmystaryn jaŋaşa jürgızgen jön. Qalanyŋ landşaftyq dizainyna bailanysty zamanaui tendensiialardy eskere otyryp, jaŋa erejeler jasaudy tapsyramyn. Ekologiialyq qauıpsızdık salasynda ūzaq merzımdı basymdyqtar negızınde älemdık täjıribege süiene otyryp, jobalyq basqaru ädısterın engızu jäne qorşaǧan ortany qorǧau tūjyrymdamasyn daiyndau qajet» dedı B.Sūltanov.
Barlyq qoǧamdyq-ideologiialyq jūmys qoǧamdyq damu basqarmasy arqyly ūiymdastyrylady. Būl basqarmaǧa qoǧamdyq damu ısterı, mädeniet jäne sport, tılderdı damytu jäne arxiv ısı basqarmalary bırıktırıledı. «Üş organnyŋ bır ideologiialyq blokqa enuı ekonomikalyq tiımdılıkpen qatar, äkımdıktıŋ atalǧan saladaǧy jūmysyn jaŋa sapalyq deŋgeige şyǧarady. Būl ideologiialyq jūmystar elordalyqtardyŋ mädeni deŋgeiın köteru jäne salauatty ömır saltyn qalyptastyru arqyly astanalyqtardyŋ sanasyn tiısınşe jaŋǧyrtuǧa mümkındık bererı sözsız» dedı äkım.
Odan bölek, äkımdıkte jaŋadan sifrlandyru jäne memlekettık qyzmet basqarmasy qūrylady. «Elbasynyŋ elımızdı älemnıŋ eŋ ozyq otyz memleketınıŋ qataryna qosuǧa qatysty naqty tapsyrmasy bar ekenın jaqsy bılesızder. Būl tiısınşe jaŋa innovasiialyq damu men jedel texnologiialyq özgerısterdı talap etedı. Elordada auqymdy «Smart Astana» jobasy ıske asyryluda. Qazır tūjyrymdama bekıtılgen. Būl, bırınşıden, xalyqtyŋ jaǧdaiyn jaqsartudy, qolaily qyzmetterdı ūsynudy közdeitın zamanaui joba. Atalǧan salalardy sifrlandyru eŋ äuelı eŋbek önımdılıgın arttyruǧa, qarapaiym xalyqqa jäne käsıpkerlerge sapaly qyzmet körsetudı qamtamasyz etuge, jyldam ärı qauıpsız aqparat ūsynuǧa, derekterdı jinaqtau, öŋdeu, adam kapitalyn damytu, iaǧni kreativtı qoǧam qalyptastyruǧa mümkındık beredı» dep atap öttı B.Sūltanov.
Jaŋa özgerısterge bailanysty Baqyt Sūltanov özınıŋ orynbasary Nūrlan Nūrkenovke äkımdıktıŋ ideologiialyq jäne äleumettık jūmystaryn jaŋǧyrtudy, äleumettık saladaǧy jūmystardy jaqsartu arqyly jergılıktı atqaruşy organdardyŋ oŋ imidjın qalyptastyru baǧytynda jūmys ısteudı jüktedı.