«Astana» äleumettık käsıpkerlık korporasiiasyna senımdı basqaruǧa kommunaldyq mülıkke jatatyn jiyrmadan astam nysan berılgen. Olardyŋ qatarynda bırneşe käsıporyn men sport sarailary bar. Nūr-Sūltan qalasy mäslihatynyŋ deputattary atalmyş korporasiianyŋ osy taraptaǧy jūmysyna bırazdan berı syn aityp jür. Olar atalmyş nysandar senımdı basqaruǧa berılgen uaqyttan berı örleudıŋ ornyna qūldyrap kettı dep esepteidı.
«Qazaqstan» SK kerı qaitarylady
Mäselenıŋ baiybyna jetu üşın «Astana» ÄKK» AQ-tyŋ būl baǧyttaǧy jūmysy qalalyq mäslihattyŋ biudjet, ekonomika, önerkäsıp jäne käsıpkerlık mäselelerı jönındegı tūraqty komissiianyŋ qarauyna şyǧaryldy. Sol jerde qalalyq Aktivter jäne memlekettık satyp alu basqarmasynyŋ basşysy Ersın Ötebaev, «Astana» ÄKK» AQ basqarma töraǧasy Rüstem Quanyşbaev, «Astana Venua Management» JŞS bas direktory Mälık Hasenov esep berdı.
«Qazaqstan» sport keşenınıŋ kürdelı jaǧdaiy köpten berı aitylyp, jazylyp jür. Äsırese, nysannyŋ basseinı apatty jaǧdaiǧa jetıp, jūmys ıstemei tūrǧanyna bır jarym jyldai boldy. «Astana» ÄKK» AQ-tyŋ basseindı jöndeuge şamasy kelmegen tärızdı. Endı sporttyq nysandy kerı qaitaryp, qalalyq Mädeniet jäne sport basqarmasynyŋ balansyna bermek.
– «Qazaqstan» sport keşenın 2017 jyldyŋ aiaǧynda senımdı basqaruǧa aldyq. Basseinnıŋ jaǧdaiy qoǧamda bıraz şu tudyrdy. Bız tehnikalyq saraptama ötkızdık. Mūnda nysannyŋ şatyry men bassein boiynşa mäseleler tuyndady. Sondyqtan basseindı jauyp, mūz aidynyn äzırge aşyq qaldyrdyq. Qazır sport saraiyn Mädeniet jäne sport basqarmasyna beru mäselesı qaralyp jatyr. Jūmys memlekettık-jekemenşık ärıptestık boiynşa jürgızılude. Nysandy öz esebımnen kürdelı jöndeuden ötkızemın deitın investor bar. Ol sport keşenınde janküierler otyratyn oryndyqtar men paidaly şarşy metrlerdı köbeitpek» deidı R.Quanyşbaev.
«Barys-Arena» basseinı arzandady
«Barys-Arena» köpfunksionaldy mūz saraiy, «Astana-Arena» stadiony jäne «Alau» mūz saraiy «Astana Venua Management» JŞS basqaruyna berılgen. Būl nysandar atalmyş serıktestıkke ötkennen keiın olardyŋ jūmysy jandanǧan siiaqty. Mäselen, «Barys-Arenanyŋ» basseinı kommersiialandyryp, sonyŋ nätijesınde tabys edäuır artqan. Atap aitqanda, basseindı paidalanu üşın 2018 jyldyŋ ışınde kırıs 17 mln teŋge bolsa, osy jyldyŋ 1 qazanyna būl körsetkış 190 mln teŋgege jetken.
«Būdan būryn basseinde bapkerler, qūtqaruşylar, kassirler bolǧan joq. Iаǧni, nysan jūmysynda bır jüie bolmady. Bız kelgenşe ǧalamtorda nysannyŋ jarnamasy da jürgızılmegen. Eger ǧalamtorda bolmasaŋ, bizneste de joqsyŋ. Sondyqtan «Barys-Arenanyŋ» saity men SMM jüiesın ıske qostyq. Kerek mamandardy jūmysqa qabyldadyq. Sonyŋ nätijesınde basseinge keletın adamdar sany artty. 2018 jyly oǧan künıne 30 adam ǧana kelse, qazır bır künde 400 adam bassein qyzmetın paidalanady. Būryn basseindı paidalanu üşın künıne 4 myŋ teŋge töleu kerek edı. Būl baǧa kommersiialyq erejege mülde säikes kelmeidı, tym qymbat. Osy baǧamen jyldyq abonement 650 myŋ teŋge bolyp şyǧatyn. Būl qaladaǧy eŋ sūranysqa ie «Fitness Palace» sauyqtyru ortalyǧynyŋ basseinınen 250 myŋ teŋgege qymbat. Sondyqtan baǧany 2 myŋ teŋgege tüsırdık. Zeinetkerler men studentterge 1200-1600 teŋge şamasynda baǧa qoidyq. Basseinge keluşıler sany sol sebepten artyp otyr» dedı M.Hasenov.
Kommunaldyq mülıktı senımdı basqaruǧa beru jönındegı komissiia müşesı ekenın aitqan qalalyq mäslihat deputaty Miras Şekenov ötken jyly jarty jyl boiy «Barys-Arenanyŋ» basseinı baǧasyna narazy bolǧanyn jetkızdı. Onyŋ aituynşa, 4 myŋ teŋge – tym joǧary baǧa. Mūz saraiynyŋ būrynǧy basqaruşylary jarnamaǧa, kommersiialyq tabysqa mülde bas qatyrmaǧan.
18 jylda jöndeu körmedı
Onyŋ ärıptesı Gaidar Qasenov oŋ özgerıstı esepke alyp, «Qazaqstan» sport keşenın de «Astana Venua Management» JŞS basqaruyna beruge bolmai ma dep sūrady.
«Negızı «Qazaqstan» sport keşenı kelısımşart boiynşa bızge berılgen edı. Kelısımşart biylǧy 19 aqpanda jasaldy. Bıraq bız tek menedjment mäselesımen ǧana ainalystyq. Nysan apatty bolyp tanylǧan soŋ 20 künnen keiın kelısımşart joiyldy. Bır ai ışınde jalǧa aluşylardy şyǧaru turaly şeşım şyǧaryldy. Sondyqtan bız eşteŋe ıstei almadyq. Negızı, bız sport saraiyn senımdı basqaruǧa aludan qaşpaimyz. Onda jöndeu jūmystaryn jürgızu kerek. Standarttar boiynşa kez kelgen nysandy är 10 jyl saiyn kürdelı jöndeuden ötkızu qajet. Al «Qazaqstan» 2001 jyly paidalanuǧa berıldı. 18 jylda bırde-bır ret jöndeu körmegen. Būl problemany «Astana» korporasiiasy anyqtady. Sport saraiynyŋ tūrǧan jerı tamaşa. Sol sebepten keluşıler sany da köp edı. Basseinnıŋ özıne myŋ adam keletın. Baǧasy da arzan edı» dep jauap berdı būǧan M.Hasenov.
Mädeniet jäne sport basqarmasynyŋ basşysy Nūrlan Sydyqov osy mäselenı tüsındırıp öttı. «Qazaqstan» sport keşenınıŋ jöndeluıne qarjy salamyn degen investormen ötken aptada kezdestık. Olardan jazbaşa ūsynys bızge kelıp tüstı. Būl ūsynystar bızdı qyzyqtyryp otyr. Qazır olar qajet qūjattardy jinaudy bastady. Bügınderı sport saraiynda «Nomad» hokkei kluby oiyndar ötkızedı. Sport mausymy mamyr aiynda aiaqtalady. Osy uaqytqa deiın barlyq proseduralyq jaǧdailardy bız de aiaqtaimyz. Sosyn jöndeu jūmystaryn bastaimyz. Osy jūmystardyŋ bärı, qūjattardy jinaudy qosqanda 18 ai uaqyt alady» dedı basqarma basşysy.
«Şapaǧat» bazary nege satyldy?
Jaqynda mäslihat deputattary «Astana-Kögaldandyru qūrylysy» käsıpornyn aralaǧanda bıraz tüitkıldı anyqtady. Atap aitqanda, osy ūiymnyŋ enşısıne qalany kögaldandyru jūmystarynyŋ 30 paiyzy ǧana qalǧan. Sol sebepten jūmysşylar da qysqaryp, köptegen tehnika da qaŋtarylǧan. Sonyŋ saldarynan qaladaǧy jasyl jelektı kütıp ūstau qūldyrady. Komissiia otyrysynda būl mäsele qaita köterıldı.
R.Quanyşbaevtyŋ aituynşa, qazır «Astana Ormany», «Astana Tazalyq» jäne «Astana-Kögaldandyru qūrylysy» käsıporyndaryn bırıktıru mäselesı qaralyp jatyr. Jyldyŋ aiaǧyna deiın būl mäsele şeşıluı tiıs. Osy künderı ärqaisysynyŋ jeke käsıporyn retındegı qyzmetı anyqtalu üstınde.
Qalalyq mäslihat deputaty Erkeǧali Esenjolov osy jyldyŋ basynda «Şapaǧat» kommunaldyq bazarynyŋ satylǧany dūrys bolmady dep esepteidı. «Şapaǧat» jylyna biudjetke 60 mln teŋge tabys äkeletın. Soǧan qaramai bazardy satyp jıberdık» dedı deputat.
«Şapaǧatty» jekeşelendıru josparynan alyp tastauǧa bırneşe ret ärekettendık. Korporasiianyŋ menıŋ aldymdaǧy basqarma töraǧasy da, özım de, qalanyŋ būrynǧy äkımderı de būǧan qatysty Ükımetke hat jazdy. Bıraq nätije bolmady. Bazardy satuǧa mäjbür boldyq. Osy jyldyŋ nauryz aiynda üşınşı ret bazar auksionǧa şyǧarylyp, satyldy» dedı būǧan qatysty R.Quanyşbaev.
Otyrysta jalpy az syn aitylmady. «Astana» äleumettık käsıpkerlık korporasiiasyna nysandardy senımdı basqaruǧa bergende, olardyŋ damu vektory joǧary qarai örlep, biudjetke tüsetın salmaq azaia ma dep oiladyq. Negızgı maqsatymyz da – sol. Bıraq bärı kerısınşe bolyp otyr» dedı mäslihat deputaty Miras Şekenov.
«Astana» ÄKK» AQ senımdı basqaruyndaǧy är nysannyŋ mäselesı jeke-jeke qaraudy qajet etedı. Bır käsıporyn mäselesınıŋ özı bıraz uaqytty alady. Deputattar endı korporasiia jūmysyn baqylauǧa aldy. «Astana-Energiia» AQ, t.b. osy sekıldı qala tırşılıgınde maŋyzdy röl atqaratyn käsıporyndardyŋ jaǧdaiy mäslihattyŋ aldaǧy otyrystarynyŋ bırınde qaralmaq.
