Astana – beibıtşılık qalasy
Astana äkımı Äset İsekeşev elordany älemdegı eŋ aqyldy 50 qalalardyŋ tızımıne engızu maqsatynda jūmys jürgızılıp jatqanyn baiandady. Būl turaly QR Tūŋǧyş Prezidentı – Elbasy kıtaphanasy men Syrtqy ıster ministrlıgı bırıgıp ötkızgen «Astana – beibıtşılık qalasy» halyqaralyq konferensiiasynda mälım etıldı.
Aldymen, şahar basşysy elordanyŋ 20 jyldyq jetıstıgıne toqtaldy.
– EQYŪ sammitı, «EXPO-2017» halyqaralyq körmesı, İslam yntymaqtastyǧy ūiymynyŋ sammitı – Astanada ötken ırı forumdardyŋ bır bölıgı ǧana. 20 jyl – kez kelgen qala üşın tek bastama. Osy uaqyt aralyǧynda ärtürlı mındetter atqarylyp, jaŋadan qala salyndy. Bügınde elordada elımızdıŋ jaŋa tolqyny ömır sürıp jatyr. Qala halqy 3,5 ese ösıp, millionnan asty. Al investisiia kölemınıŋ jyldyq mölşerı 44 esege köbeidı. Elordanyŋ jetıstıkterı Astanany urbanizasiianyŋ zamanaui ülgısıne ainaldyrady, – dep atap öttı Äset İsekeşev.
Sondai-aq, qala äkımı elordanyŋ damu joldarymen tanystyrdy. «Astanany älemnıŋ saiasi jäne diplomatiia ortalyǧynyŋ joǧary standartyna säikestendıre otyryp, elımızdıŋ innovasiia, sauda, ekonomika, densaulyq saqtau, bılım beru salalarynyŋ ortalyǧyna ainaldyrudy közdeimız. Osy oraida, qalany jaŋǧyrtudyŋ jaŋa baǧdarlamasy äzirlenip jatyr. «Aqyldy äri qauipsiz qala» tūjyrymdamasy adam kapitaly men qala infraqūrylymyn damytuǧa septıgın tigızedı. Älemdegı 50 intellektualdy ärı zamanaui qalalardyŋ qatarynda körınu üşın Astana Euraziianyŋ mädeni, ǧylymi ortalyǧy retınde
öz äleuetın nyǧaityp, öŋırlerden ǧalym-zertteuşilerdı, studentterdı tartuǧa müddelı» dep sözın qorytyndylady qala basşysy.
«Astana – beibıtşılık qalasy» halyqaralyq ǧylymi-täjıribelık konferensiiasy otandyq jäne şeteldık saiasatkerler men bedeldı sarapşylardy tartu maqsatynda ūiymdastyryldy.
Örkendei ber, Astana. Bıraq arman quyp aǧylyp kep jatqan jastarǧa jaǧdai jasalsa, igı bolar edı.