Astana bilıgı taksige mınedı

Qyrküiek aiynan bastap Astana bilıgı tūtastai tek taksimen ǧana jüredı. Būl turaly qalalyq mäslihattyŋ kezekten tys 37-sessiiasynda Qalalyq ortany regenerasiialau basqarmasynyŋ basşysy Ǧali İskaliev mälımdedı.

Osy özgerıstıŋ arqasynda biudjet qarjysyn 20 paiyzǧa ünemdeuge bolady. Bolaşaqta būl körsetkış 40 paiyzǧa deiın jetuı mümkın. Ükımettıŋ şeşımıne säikes, «Avtoşaruaşylyq-Astana» JŞS biyl jekeşelendırılıp, onyŋ tehnikalyq bazasy äkımdık qaramaǧynda qalmaq.
– Aldaǧy uaqytta qalalyq äkımdık mamandaryn tasymaldauǧa jeke kompaniialar qyzmet körsetetındıkten, osy künderı memlekettık-jekemenşık ärıptestık negızınde taksoparktermen kelısımşartqa otyramyz. Qaladaǧy 12 taksoparktıŋ törteuı bızben jūmys ıs­teu­ge ke­lıstı. Olardyŋ sany aldaǧy uaqytta da artuy mümkın. Kölıkter «Astana taxi» brendı boiynşa be­zendırıletın bolady. Būl joba 5 jylǧa josparlanyp otyr, – deidı Ǧali İskaliev.
Basqarma basşysynyŋ aituynşa, är basqarmanyŋ ai saiynǧy şyǧyny ärtürlı. Mysaly, keibı­rınıŋ şyǧyny 800 myŋ teŋge bolsa, endı bırınıkı 1,5 mln teŋge körınedı.
– Bız taldau jasaǧan kezde barlyq basqarma mamandarynyŋ kündelıktı jüru sanyn eseptep kördık. Keibır basqarmalar kölıktı künıne 4-5 ret qana paidalansa, taǧy bırı 20-30 ret jüredı eken. Orta eseppen bır basqarmadaǧy ekı kölıkke 15 jüruden bölındı. Qazırgı uaqytta būǧan biudjetten aiyna şamamen 1 mln teŋge jūmsalyp jatyr. Al taksidıŋ bır jüruın 1000 teŋge dep eseptegende, künıne 30 myŋ teŋge bolady. Ony 24 jūmys künıne köbeitkende 720 myŋ teŋge şyǧady. Jeke kompaniialarmen esep aiyrysu ai saiyn jürgızılıp otyrady, – dedı ol.
Äkımdık balansyndaǧy barlyq kölıkter jergılıktı bilık qaramaǧyndaǧy qalalyq Işkı ıster departamentı men mektep, auruhana siiaqty mekemelerge tapsyrylady.
Jaŋa jüienıŋ artyq­şylyǧy taksi qyzmetın tūtynǧan şeneunıkter kölık keptelısınde tūryp uaqyt joǧaltpaidy. Sebebı «Astana taxi»-ge qoǧamdyq kölıkterge arnalǧan «Bus lane» jolaǧymen jüruge rūqsat berılgen. Atalmyş joba turaly Astana qalasy äkımınıŋ orynbasary Asqar Amrin de öz oiyn ortaǧa saldy.
– Qolǧa alynyp otyr­ǧan osy joba ünemdılık jaǧynan öte tiımdı. Osynyŋ arqasynda, bırınşıden, milliard teŋgeden asa qarjy ünemdeledı. Öitkenı är kölıktıŋ kündelıktı janar-jaǧarmaiy men avtobölşek saimandary, jyl saiynǧy salyǧy men tehnikalyq tekserısı taǧy bar. Ekınşıden, būl – memlekettıŋ saiasaty. Iаǧni aldaǧy uaqytta atqaruşy bilıkke servistık qyzmet körsetetın barlyq ūiym­dar jekeşelendırıledı. Bız qazır avtoşaruaşylyq mekemesı turaly aityp otyrmyz. Degenmen qazırgı uaqytta äkımdık qaramaǧyndaǧy 100 kölıktıŋ jürgızuşısın jūmyssyz qaldyrmaimyz. Olar endı mektep, auruhana siiaqty mekemelerde jūmysyn jalǧastyrady. Alaida keler jyldan bastap äkım­dıkke qarasty mekemeler de bırtındep servistık kelısımşart jüiesıne köşedı, – dedı Asqar Amrin.
Būl joba mäslihat sessiiasynan bır kün būryn ötken qoǧamdyq tyŋdalymda da deputattardyŋ talqylauyna ūsynylǧan bolatyn. Şeneunıkterdı tasymaldauǧa qyzmet kör­­setu jobasymen egjei-teg­jeilı tanysyp şyqqan soŋ halyq qalaulylary qala bilıgınıŋ jaŋa jü­iege köşuı jönındegı bas­tamaǧa köpşılık dauyspen qoldau bıldırdı.