Astana äkımı İmanǧali Tasmaǧambetov Riga qalasynyŋ merı Nil Uşakovpen resmi türde kezdestı. Jüzdesu barysynda ekı astananyŋ özara yntymaqtastyǧyn damytu, özara tiımdı täjıribe almasu mäselelerı keŋınen talqylandy.
Elorda äkımı Baltyq jaǧalauynan kelgen meimandarǧa Astanada jüzege asyrylyp jatqan ırı jobalar jönınde aityp berdı.
– Qazaqstan Latviiany Baltyq öŋırındegı maŋyzdy ärıptesı retınde tanidy. Qos eldıŋ astanasy ekonomikalyq äleuetı men qūrylymy jaǧynan bır-bırıne ūqsas. Aitalyq, sızderdegı siiaqty Astana ekonomikasynyŋ 60 paiyzyn orta jäne şaǧyn käsıpkerlık salasy qūraidy. Qalamyzda qūrylys salasy da qarqyndy damyp keledı. Sonyŋ bır aiǧaǧy – bız jylyna 1 mln 300 myŋ şarşy metr tūrǧyn üi tapsyramyz. Jas şahar üşın būl – edäuır jetıstık, – dedı İmanǧali Nūrǧaliūly.
Qala äkımı Astananyŋ 2017 jyly EKSPO körmesın ötkızuge daiyndalyp jatqanyna toqtala kele, mūndai halyqaralyq şara qarsaŋynda bırlesken käsıporyndar qūryp, ırı jobalardy jüzege asyru artyq bolmaitynyn jetkızdı. Sondai-aq, İmanǧali Nūrǧaliūly latviialyqtarǧa elordadaǧy memlekettık maŋyzy bar nysandar, industrialdyq park, innovasiialyq tehnologiialar, bılım, kölık, jol salalaryndaǧy tabystardy tanystyrdy.
Öz kezegınde Riga merı Nil Uşakov qos şahardyŋ özara ekonomikalyq jäne mädeni bailanysy nyǧaia tüskenın atap ötıp, barlyq sala boiynşa jarasymdy bailanys tüzıletınıne senım bıldırdı.
– Astanamen tyǧyz qarym-qatynas ornatuǧa bız de yqylastymyz. Elderıŋızdegı qūrylys, turizm, basqa da salalardaǧy täjıribeler bızdı erekşe qyzyqtyrady. Sondyqtan ärıptestık bailanysymyz üzılmei, odan ärı dami tüsetınıne senımdımın, – dedı Riga merı.
Būdan keiın şahar basşylary ekı qalanyŋ ekonomika, tūrǧyn üi, jolauşylar kölıgı salasy töŋıregınde pıkır almasty.
Jalpy, Qazaqstan men Latviia arasyndaǧy diplomatiialyq bailanys 1992 jyldyŋ jeltoqsanynan bastap ornaǧan bolatyn. Biylǧy jartyjyldyqta ekı el arasyndaǧy tauar ainalymy 155,6 mln AQŞ dollaryn qūraǧan. Būl körsetkış byltyr 361,2 mln AQŞ dollary kölemınde bolǧan.
Elımız latviialyqtarǧa mūnai önımderın, maqta talşyǧyn, zyǧyr tūqymyn, taǧy basqalardy eksporttaidy.
Al, Riga Latviianyŋ anaǧūrlym ekonomikalyq damyǧan ırı önerkäsıp ortalyǧy bolyp sanalady. Aitalyq, Latviiaǧa qūiylatyn şetel investisiialarynyŋ ışkı jalpy önımdegı ülesı 55 paiyzdy qūrasa, sonyŋ 78 paiyzy osy Riga qalasyna baǧyttalǧan.
