Astana Alataudan Arqaǧa auysar şaqta elordasy bolatyn şahar jaily üzdık änge baiqau jariialandy. Būl öner jarysynda aqyn Amangeldı Jūmabek sözın jazǧan Eskermes İmanbaidyŋ «Aqmola – bas qalam» änı ozyp şyqty. Ändı osydan 20 jyl būryn Astananyŋ halyqaralyq tūsaukeserınde belgılı änşı, akter Nūrai Tanabaev jalpaq jūrtqa tanystyrdy.
«Eskermes ekeumız būdan būryn da bırneşe än jazdyq. Osyndai baiqau jariialanǧan soŋ ol maǧan qolqa saldy. Baiqauǧa tüsken şyǧarmalardy marqūm Nūrǧoja Oraz bastaǧan qazylar alqasy qarady. Qorytyndy otyrys 1997 jyldyŋ säuırınde M. Gorkii atyndaǧy orys drama teatrynda öttı. Sonda bas bäige bızge berıldı» deidı A. Jūmabek.
Aqmola oblystyq filarmoniiasynyŋ ūlt aspaptary orkestrınıŋ süiemeldeuımen (dirijerı Nūrlan Hamzin) tyŋdarmandarǧa jol tartqan än ūzaq uaqyt oryndalmai kettı. Astana men Polşanyŋ Gdansk qalasy bauyrlasqannan keiın būl tuyndy sol elde şyrqaldy.
«Būdan soŋ änımız joǧaluǧa ainaldy. Astana turaly basqa änder şyǧyp jatty. Sonyŋ ışınde Erbol Şäimerdenūly men Marat Omarovtyŋ «Arman qala – Astana» atty jaqsy änı tudy. Bıraq özım änımızdıŋ beine nemese audionūsqalaryn ızdeuge kırıstım. Ūzaq uaqyt tabylmady. Televiziia ardagerı Rafael Jūmabaev qaitys bolarynan 3-4 jyl būryn boluy kerek, būl ändı tauyp berdı. Maǧan süiınşı sūrap habarlasty. Keiınnen magnitofon kassetasyna jazyp, äkelıp berdı. Ännıŋ tarihy osyndai» deidı aqyn.
