Iýsup KELİGOV, Astana qalasy Qoǧamdyq keŋesınıŋ müşesı, qazırgı uaqytta «Astana ormany» JŞS damytu jönındegı basqaruşy direktory bolyp jūmys ısteidı. Kezınde elordalyqtardyŋ qoldauynyŋ arqasynda qalalyq mäslihattyŋ üş şaqyrylymynyŋ deputaty boldy. QHA keŋesı müşesı, Qazaqstan Respublikasyndaǧy «Vainah» şeşen jäne inguştar qauymdastyǧynyŋ teŋ töraǧasy.
– Men baqytty adammyn. Menıŋ ainalamda ärqaşan jaqsy adamdar boldy. Jora-joldastarymyzdyŋ, dostarymyz ben ärıptesterımızdıŋ – kommunaldyq qyzmetkerler men qūrylysşylardyŋ arqasynda elordasy – Astanamyzdy damytuda köptegen jetıstıkterge qol jetkızdık. Sol üşın men olarǧa şeksız rizamyn.
Elorda köşırılgende men qalalyq komitet jetekşılerınıŋ bırı boldym. Qalalyq mäslihattyŋ üş şaqyrylymynyŋ deputaty retınde atqarylǧan jūmystardyŋ auqymy ülken boldy. Būl, bır jaǧynan, qiyn da kürdelı uaqyt boldy, bıraq bız tyrystyq. Qazırgı künde sol deputat bolǧan kezeŋımdı ystyq yqylaspen esıme alyp jüremın. Deputat mandaty degendı öz basym ülken jauapkerşılık ärı märtebe dep tüsınemın.
Sondai-aq qaladaǧy kommunaldyq qyzmettegı, barlyq bölımşelerdegı ärıptesterıme alǧysym şeksız, öitkenı özara kömek, qoldau, syilastyq qarym-qatynas, yntymaq bırlese şeşıletın kündelıktı mäselelerdı şeşuge kömektestı.
Qalalyq komitette ol kezde 2500-dei adam jūmys ıstedı. Būl ülken bastama boldy. Bız köptegen mäselelermen ainalystyq: abattandyru, kögaldandyru, jaryqtandyru. Är bölım ūlǧaiǧan saiyn jūmys kölemı de arta tüstı. Ärine, bärı qarapaiym jäne oŋai bolǧan joq. Bıraq būl – bızdıŋ ötken jolymyz, alǧan belesterımız. Tarihymyz retınde ony maqtanyşpen eske alamyz.
Megapoliste köptegen maŋyzdy nysandar bar, olardyŋ barlyǧy men üşın qymbat. Bıraq eŋ körnektısı – Astananyŋ ainalasynda ornalasqan jasandy oazis elordanyŋ jasyl beldeuı qala tūrǧyndary men qonaqtary üşın tamaşa demalys orny.
Tabiǧatty qorǧau, orman bailyǧyn arttyru el bolaşaǧyn oilaǧan adam üşın asa maŋyzdy. Prezident Qasym-Jomart Toqaevtyŋ būl mäselege basa nazar audaruy beker emes. Qazaqstannyŋ Şanhai yntymaqtastyq ūiymyna töraǧalyǧy aiasynda 2024 jyl Ekologiia jyly bolyp jariialandy. İgı bastamany bärımız qoldaimyz. Ötken senbıde Astana qalasy mäslihatynyŋ barlyq şaqyrylymdarynyŋ deputattary «Taza Qazaqstan» ekologiialyq aksiiasyna qatysty. Botanikalyq baqta elordalyq ökıldı organnyŋ 30 jyldyǧyna arnalǧan alleia töseldı. Būl şaraǧa jastardyŋ qosylǧany quantady. Bız olardyŋ qalamyzdy taza, jaily jäne ömır süruge jaily etuge degen ūmtylysyna rizamyz. Jalpy 3 apta ışınde ekologiialyq nauqanǧa 179 myŋnan astam adam qatysyp, 4,6 myŋ tonnaǧa juyq qoqys şyǧaryldy. 50 900 aǧaş otyrǧyzyldy. Aksiianyŋ kelesı aptalyǧy «Önegelı ūrpaq» atauymen ötıp, ardagerlerdıŋ aulalary men qarttar üiınıŋ aumaqtaryn abattandyruǧa arnalady.
Aksiianyŋ nätijesı bırden közge körınıp tūr. Mūnyŋ bärı osy maŋyzdy jūmysty bırge atqarǧanymyzdyŋ arqasynda. Senbılıkke qala tügeldei derlık şyqty. Şaraǧa barlyq ūiymdar men käsıporyndar, QHA etnomädeni bırlestıkterı jäne basqa da qoǧamdyq ūiymdar qosyldy. Biylǧy mausym basynan berı bızdıŋ «Astana ormany» ūjymy 83 693 köşet otyrǧyzdy. Barlyǧy köktemde 200 myŋnan astam jasyl jelek otyrǧyzu josparlanǧan bolatyn.
Adamdardyŋ beiqamdyǧy qandai auyr zardaptarǧa äkeletının bärımız bılemız. Ötken jyly Abai audanynda ondaǧan myŋ gektar orman alqaptary örtenıp ketken apattyŋ kuäsı boldyq. Sondyqtan da bügıngı taŋda ekologiialyq bılımmen ainalysu, tabiǧatty qūrmetteuge tärbieleudıŋ maŋyzy zor.
