Biyl elordada «Bır kündık klinika» jobasy №2 köpbeiındı qalalyq auruhanasyndaǧy Ūryqty qorǧau ortalyǧynda aşylǧan edı.
«Bır kündık klinika» jobasynyŋ negızgı maqsaty – jüktılıktıŋ bırınşı trimestrındegı tua bıtken ūryqtyŋ damuyndaǧy aqaularyn jäne hromosomalyq auytqulardy anyqtauǧa baǧyttalǧan prenataldyq skriningtık baǧdarlamalardyŋ qoljetımdılıgı men tiımdılıgın arttyru. Būl jobany ıske asyru jüktı äielderdı bır künde qajettı tekserulerden ötu mümkındıgın qamtamasyz etuge baǧyttalǧan. Būl nätijelerdı kütu uaqytyn qysqartuǧa jäne diagnostika men emdeu üşın qajettı şaralardy jedel qabyldauǧa mümkındık beredı.
– «Bır kündık klinikada» jüktı äiel tek bır ǧana emes, jüktılıktıŋ bırınşı trimestrınde qajettı barlyq prenataldyq skriningterdı ötetındıkten, zertteulerdı köptegen mamandar atqaryp keŋes beredı. Sondyqtan osynda 20-dan astam qyzmetkerler jūmys ısteidı, – deidı Ūryqty qorǧau ortalyǧynyŋ basşysy Muzar Maralhan.
«Bır kündık klinika» jobasy aiasynda prenataldy skriningterden ötudıŋ bırneşe artyqşylyqtary bar. Bırınşıden, jüktı äielder qysqa merzımde bır mekemede jan-jaqty tekseruden ötetındıkten, uaqytyn ünemdeidı, ekınşıden, laboratorly-diagnostikalyq zertteuler men mamandardyŋ keŋesıne qabyldauǧa jazylu uaqyty azaiǧandyqtan, emosionaldy küizelıs azaiady. Üşınşıden, basqa mekemelerge medisinalyq kömekke jügınu qajetı bolmaǧandyqtan, jolǧa, iaǧni avtokölıkke jūmsalatyn qosymşa materialdyq şyǧyndardy boldyrmaidy. Törtınşıden, jüktı äiel prenataldy tekseruden ötkennen keiın bırden joǧary bılıktı mamandarǧa barady, olar närestenıŋ densaulyǧy jaily tolyq aqparatpen qosa, ūsynystaryn beredı. Besınşıden, zamanaui diagnostikalyq jabdyqtar (UDZ, mikroskoptar, analizatorlar) bar. Jetınşıden, nätijenı kütetın qysqa merzımde jüktı äielderge tegın tamaq ışu mümkındıgı qarastyrylǧan.
Ūryqty qorǧau ortalyǧynyŋ basşysy Muzar Maralhannyŋ aituynşa, klinika mamandary ūryqta boluy mümkın barlyq tua bıtken aqaulary men hromosomalyq patologiialaryn anyqtaidy. Ūryqtyŋ anatomiiasyn egjei-tegjeilı baǧalauǧa arnalǧan zamanaui baǧdarlamalary bar sarapşy klasyndaǧy ultradybystyq apparattar, biohimiialyq skrining jäne genetikalyq patologiia qaupın anyqtauǧa arnalǧan 2024 jyldyŋ jaŋa analizatory, kariotipteu jasauǧa arnalǧan bıregei baǧdarlamasy bar sarapşy klastaǧy elektrondyq mikroskoptarmen jabdyqtalǧan. Mūndai klinika aşu jüktı äielderge körsetıletın medisinalyq kömektıŋ sapasyn, tiımdılıgın, qoljetımdılıgın arttyra otyryp, ūryqtyŋ tua bıtken aqaulary men hromosomalyq patologiialaryn jüktılıktıŋ erte kezeŋınde anyqtauǧa jäne osy aqaulardan bala ölımı men mügedektıktıŋ aldyn aluǧa mümkındık beredı.
