Bas qalamyz jaqyn jyldary älemdık sauda alaŋynyŋ bırıne ainalady. Keşe qala äkımı Baqyt Sūltanov jeke investorlardyŋ qarjysyna tūrǧyzylatyn jahandyq sauda ortalyǧynyŋ kapsulasyn salu räsımıne qatysty.
– Bügingi kün qalamyzdyŋ tarihynda este qalady dep esepteimin. Bız Nūr-Sūltan qalasynda Düniejüzılık sauda ortalyqtary qauymdastyǧynyŋ taǧy bır nüktesın qūru jönındegı ūzaq jylǧy kelıssözderdı ıske asyrudyŋ negizgi kezeŋıne köştık. Būrynǧy EKSPO aumaǧynda, al qazır belsendı damyp kele jatqan «Astana» halyqaralyq qarjy ortalyǧy arqyly älemdık brendterdı, transūlttyq korporasiialardy, investisiialardy tartudyŋ taǧy bır nüktesın qūrudamyz. Būl keremet jobamyzdyŋ jüzege asuyna tılektespın, al kelesı kezdesuımızdı osy ǧimarattyŋ üstınde 350 metr biikte ötkizeiik demekpın, – dedı B.Sūltanov.
Öz kezeginde «Nest Investments HOLDINGS» kompaniiasynyŋ korporativtık investisiialar jönındegı direktory Mehran Eftehar būl əlemniŋ 90 eli ūsynǧan dünie jüzındegı eŋ ırı sauda qauymdastyǧynyŋ bırıne ainalatynyn atap öttı.
– Düniejüzilik sauda ortalyǧynyŋ basty maqsaty – jaŋadan sauda jəne investisiia joldaryn qūru. Nūr-Sūltan qalasymen birlese otyryp osyndai igilikti iske qol jetkizuge bolatynyna quanyştymyz. Būl – jaŋa jūmys ornyn qūru, jaŋadan investisiia, tehnologiialar tartu mümkindigi. Būl jobanyŋ bolaşaqta damuyn asyǧa kütemız, – dedı Mehran Eftehar.
Aita keteiık, biyl jyl basynda Elbasy Nūrsūltan Nazarbaevqa bas qalamyzdaǧy Düniejüzılık sauda ortalyǧynyŋ ǧimaratyn salu jobasy tanystyrylǧan bolatyn. Halyqaralyq sauda ortalyqtarynyŋ basym bölıgı Europa (100-den asa) men AQŞ-ta (60-qa juyq) ornalasqan.
