Astanada kölık tūraǧy köbeiedı
«EKSPO – 2017» halyqaralyq körmesıne bailanysty fransuzdar Esıldıŋ sol jaǧalauyna 3 köpdeŋgeilı avtotūraq salmaqşy. Osyǧan bailanysty jeksenbı künı Astana qalasy äkımınıŋ orynbasary Qanat Sūltanbekov pen VINCI kompaniiasynyŋ Ortalyq Aziia boiynşa kommersiialyq direktory Fransua Şevale özara yntymaqtastyq turaly Memorandumǧa qol qoidy.
Qala äkımınıŋ orynbasary öz sözınde Astanada kölıktıŋ köptıgıne bailanysty tek kündızdıŋ özınde 13 myŋǧa juyq kölık qoiatyn oryn jetıspeitının aita kelıp, 2017 jylǧa deiın 7 avtotūraq salu josparlanyp otyrǧanyn jetkızdı.
Esıldıŋ sol jaǧalauynda boi köteretın būl kölık oryndarynyŋ 3-euın osy fransuz kompaniiasy moinyna alyp, biyl qūrylysyn bastauǧa äzır. Memlekettık-jekemenşık ärıptestık negızınde jüzege asyrylatyn jobalar 30 jyldan keiın munisipaldyq menşıkke ötetın bolady.
– «EKSPO-2017» halyqaralyq körmesınıŋ ötkızıluıne bailanysty elordada talqylanyp jatqan jobalar köp. Solardyŋ bırsypyrasy biylǧa josparlanǧan. Özderıŋız qolǧa aluǧa yqylas bıldırıp otyrǧan parkingter jobasy da sonyŋ ışınde. Būdan bölek, osy jyldyŋ soŋyna deiın taǧy 4 avtotūraqtyŋ qūjattamalaryn äzırlep, būl jobalardy da memlekettık-jekemenşık ärıptestık negızınde jüzege asyrmaqşymyz, – dedı Qanat Taŋatarūly.
Qos taraptyŋ jüzdesuınde söz alǧan VINCI Construction Grands Projets kompaniiasynyŋ Ortalyq Aziia boiynşa kommersiialyq direktory Fransua Şevale būl kelısım Astana äkımdıgımen jasasqan alǧaşqy pilottyq joba bolyp otyrǧanyn, būdan keiın de Qazaq elınıŋ jas elordasynyŋ damyp-örkendeuıne öz ülesterın qosuǧa ärdaiym daiyn ekendıgın atap öttı.
Özderı turaly äŋgımelegen Şevale myrza kompaniianyŋ köp deŋgeilı kölık tūraqtaryn saludaǧy täjıribesı mol ekendıgın, qūrylys jūmystarynda qazırgı zaman talabyna sai keletın sapaly materialdar ǧana paidalanatynyn aityp öttı.
Olar Astanaǧa baǧanalary joq, kölık kedergısız, erkın kırıp-şyǧatyn ırı avtotūraqtar salyp bermekşı. Būǧan qosa, elordaǧa ūsynatyn jeŋıldıkterı de bar körınedı.
Özara kelısımder turaly qūjatqa qol qoiǧan qos tarap ärıptestıktı odan ärı nyǧaita tüsetınıne senım bıldırdı.
Qymbat NŪRǦALİ