Astanada qalasynda Almaty oblysynyŋ künderı ötıp jatyr. «Quatty aimaq – quatty Qazaqstan» taqyryby aiasynda ötıp jatqan būl el Täuelsızdıgınıŋ 25 jyldyǧyna arnalyp otyr.
Ekı künge josparlanǧan kölemdı şara Almaty oblysynyŋ äkımı Amandyq Batalovtyŋ qazaq halqynyŋ ūly aqyny, jyr jampozy Jambyl Jabaevtyŋ eskertkışıne gül şoqtaryn qoiu şarasymen bastau aldy. Qazırgı taŋda Bauyrjan Momyşūly köşesı boiyndaǧy Oquşylar saraiynyŋ janyndaǧy alaŋda Almaty oblystyq tauar öndıruşılerdıŋ auyl şaruaşylyq järmeŋkesı bolyp jatyr. Järmeŋkege oblystyŋ 16 audany, 3 qalasynyŋ şarualary özı önımderın ūsynyp otyr.
Astana tūrǧyndary men qala qonaqtaryna jalpy kölemı 340 tonna auyl şaruaşylyǧy önımderınıŋ 38-den astam türı ūsynyldy. Almaty oblysynan jetkızılgen tauarlardyŋ jalpy qūny 160 mln. teŋgenı qūrady.
Onyŋ ışınde: jylqy etı – 1,8 tonna, qūs etı – 7,0 tonna, balyq önımderı – 11,8 tonna, kökönıs – 100,2 tonna, alma, jemıs-jidek – 30,5 tonna, kartop – 47,0 tonna, süt önımderı – 13,8 tonna, şūbat pen qymyz – 2,9 tonna, kürış – 16,5 tonna, ūn – 5,8 tonna, qant –6,0 tonna, bal – 3,9 tonna, jūmyrtqa – 16,0 myŋ dana, bakaleia önımderı – 2,4 tonna jäne basqa önım türlerı 106,9 tonna.Tauarlar qaladaǧy bölşek sauda baǧalarynan 15-20 paiyzǧa arzanǧa satylyp jatyr. Järmeŋkege Astana qalasynyŋ äkımı Äset İsekeşev pen Almaty oblysynyŋ äkımı Amandyq Batalov qatysty.
Sonymen qatar, aksiia aiasynda kıtap pen sändık-qoldanbaly öner körmelerı, öŋır ärtısterınıŋ qatysuymen merekelık konsertter ötude. Qala tūrǧyndary men qonaqtary bügın Almaty oblysynyŋ aqyndary men jazuşylarynyŋ «Jerūiyq meken – Jetısu» atty kıtap körmesı, sondai-aq, sändık-qoldanbaly öner şeberlerı men muzei eksponattarynyŋ, «Altyn adam mekenı» körkemsuret galereiasy suretşılerınıŋ körmesı ötedı. Osy künı qala tūrǧyndary men qonaqtary saǧat 18:30 «Jastar» teatrynda «Kerei – Jänıbek» spektaklın tamaşalai alady.
Mädeni şaralar mūnymen şektelıp qalmaidy. Ūiymdastyruşylardyŋ aituynşa, ekı künge sozylatyn mädeni şara barysynda Kongress-hollda «Taldyqorǧan – keşe, bügın, erteŋ» körmesı men Almaty oblysy şyǧarmaşylyq ūjymdarynyŋ «Jetısu – jūmaq mekenım» atty gala-konsertı ötedı dep josparlanyp otyr.
