Qystyŋ bıtuıne bır ai qaldy. Astanada köktem keş keledı desek te, su tasqynyna daiyndyq öz uaqytynda jürgızıluı kerek. Osy oraida elorda äkımı Jeŋıs Qasymbek Instagram paraqşasynda su tasqynyna qarsy ıs-şaralar qalai jürgızılıp jatqany turaly mälım ettı, dep habarlaidy astana-akshamy.kz.
«Qalada su tasqynyna qarsy ıs-şaralar jürgızılıp jatyr. Jyl basynan berı 15,5 myŋ tekşe metrge juyq aryq-naua jelısı, 600-ge juyq baqylau jäne jaŋbyr qabyldau qūdyǧy tazartyldy, 160 tekşe metr kollektorlar jäne t.b. juyldy. Kommunaldyq qyzmetter şamamen 4,3 mln tekşe metr qar şyǧardy. Qalada su tasqyny qaupı bar uchaskeler sany ötken jyldarmen salystyrǧanda 20-ǧa deiın azaidy. Azamattyq qorǧau organdary, kommunaldyq qyzmetter jäne t.b. tūraqty daiyndyqqa keltırıldı, – dedı ol.
Osyǧan orai su tasqyny qaupı bar uchaskeler men eldı mekenderde qardy uaqytyly küreudı baqylauǧa aludy, su ötkızgış qūbyrlardy tazalaudy, nöser kärızınıŋ jüiesın saluǧa erekşe nazar audarudy tapsyrǧanyn jetkızdı.
