Öner keŋıstıgınde dara jolymen tanylyp, halyqaralyq, respublikalyq teatr festivalderınde üzdıkter qatarynan körıngen Jastar teatryndaǧy U.Şekspirdıŋ «Asauǧa tūsau» komediiasynyŋ qoiylǧanyna 10 jyl tolyp otyr, dep habarlaidy astana-akshamy.kz teatrdyŋ baspasöz qyzmetıne sılteme jasap.
Spektakldıŋ rejisserlerı – QR Memlekettık syilyǧynyŋ iegerı Nūrqanat Jaqypbai, Qazaqstan Respublikasynyŋ eŋbek sıŋırgen qairatkerlerı Bekbolat Qūrmanǧojaev jäne Däuren Serǧazin. Şyǧarmany qazaq tılıne audarǧan – Mūhtar Äuezov. Spektakldıŋ alǧaşqy premerasy 2013 jyldyŋ jeltoqsan aiynda ötken.
«Asauǧa tūsau» – asau qyzdy auyzdyqtau emes, kırşıksız mahabbatty şynaiy tüsınuden tūratyn erlı-zaiyptylar arasyndaǧy adal dostyqty jyr etedı. Sözı ötkır, ör mınezdı Petruchchio men tapqyr ärı aqyldy tentek Katarina ekeuınıŋ äzıldı qaqtyǧystary qyz ben jıgıttıŋ aitysyndai öte tartymdy. Äzılqoi Grumio, jylpos Tranio, jūmsaq mınezdı Baptista taǧy basqa Keiıpkerler men oryndauşylar: dıŋ mınez-qūlqy jalyndy jastardyŋ akterlık şeberlıgıne ūlasqanda, sahna köŋıldı körınısterge tola tüsedı.
Jarasymdy qaljyŋymen baurap, körkemdık qūdıretımen elıktıre tüser şyǧarma rejisserdıŋ ūtymdy şeşımımen sahnaǧa şyqty. Oqiǧa köŋıldı muzyka men oryndauşylardyŋ plastikalyq şeberlıkterınıŋ arqasynda körkemdık tūrǧydan jaŋa beleske köterıldı.
«Asauǧa tūsau»10 jyldyq tarihynda bırqatar belesterdı baǧyndyrdy. Atap aitqanda, S.Maiqanovanyŋ 100 jyldyǧyna arnalǧan XXII Respublikalyq drama teatrlar festivalınde «Eŋ üzdık spektakl» – Gran-pri, Türkı halyqtarynyŋ HII «Nauryz» Halyqaralyq drama teatrlar festivalınde Arnaiy diplom (Tatarstan, Kazan, 2015), el Täuelsızdıgınıŋ 25 jyldyǧyna orai ūiymdastyrylǧan «Qazaqstan –Euraziia jüregı» atty Orta Aziia elderınıŋ VI Halyqaralyq festivalınde (Taldyqorǧan, 2016) I oryn, Qazaqtyŋ tūŋǧyş rejisserı J.Şaninnıŋ 125 jyldyǧyna arnalǧan Türkı älemı teatrlarynyŋ «Teatr köktemı – 2017» halyqaralyq festivalınde (Türkıstan, Şymkent, 2017) «Eŋ üzdık spektakl» – Gran-pri jüldesı, «Üzdık äiel beinesı»(aktrisa Ainūr Rahipova), «Qoiylymdaǧy ūtymdy beine»(akter Ädıl Ahmetov) jüldelerı berıldı. Sonymen qatar VI Halyqaralyq «ART-ORDO» teatr festivalınde (Bışkek, 2017) «Üzdık rejisser», QR Täuelsızdıgınıŋ 30 jyldyǧyna arnalǧan «TeatrALL-2021» Halyqaralyq teatrlar festivalı (Astana, 2021) «Üzdık qoiylym» – Gran-pri jüldesı, «Üzdık epizodtyq er adam beinesı»(akter Jandäulet Batai) marapattaryn aldy. «Jastar» teatrynda qoiylymnyŋ 10 jyldyǧyna orai «Asauǧa tūsau» 28 aqpanda sahnalanady.
