Astanada reidter barysynda audandyq äkımdıkter men qūqyq qorǧau organdarynyŋ qyzmetkerlerı taǧy 10 tonna nasybai tärkıledı, dep habarlaidy astana-akshamy.kz
Onyŋ qūny 50 million teŋgeden asady. Tärkılengen barlyq önım joiyldy.
«Jastar ruhy» JK belsendılerı nasybaidy joiu jönındegı aksiiany ötkızu barysynda «Taza Qazaqstan» tuy jelbıredı.Osylaişa jastar ekoaksiiany qoldap, tyiym salynǧan zattardyŋ ziiandy äserın atap öttı.
Esterıŋızge sala keteiık, 18 nauryzdan bastap Astananyŋ barlyq audanynda veip pen nasybaidyŋ zaŋsyz taraluy men qoldanyluyn anyqtau boiynşa reidter ötıp jatyr. Poliseiler sauda nüktelerın tekseredı jäne 25 ailyq eseptık körsetkış (AEK) mölşerınde aiyppūl sala otyryp, Äkımşılık qūqyq būzuşylyq turaly kodekstıŋ (ÄQBtK) 196-babyna säikes qūqyq būzuşylardy äkımşılık jauapkerşılıkke tartady. Anyqtalǧan önımder jergılıktı oryndardan tärkılenedı.
«Bız öz qalamyzdy jaman ädetterden aryltamyz. Jastardy jäne elımızdıŋ basqa öŋırlerın jaman ädetterdıŋ ornyna sportpen jäne basqa da paidaly ıstermen ainalysuǧa şaqyramyz. Būl auqymdy aksiia, ol boiynşa jūmys tūraqty negızde jürıp jatyr», – dedı elordanyŋ Jastar saiasaty mäselelerı basqarmasynyŋ basşysy Samat İbraev.
Aita ketu kerek, būǧan deiın elordada 4 tonna şegılmeitın temekı önımderı joiylǧan bolatyn.
«Şegılmeitın temekı önımderı densaulyqqa ǧana emes, bızdıŋ damu mädenietımızge de kerı äser etedı. Adamdar tükıredı, aşulanşaq bolady, tyiym salynǧan zattardy paidalanady. Būl bızdıŋ elordamyzǧa ziian tigızedı. Aksiia öte dūrys», – deidı erıktı Janel Äkejanova.
Elordada «Taza Qazaqstan. Astana – tazalyq pen tärtıptıŋ ülgısı» atty ekologiialyq aksiiasy ötıp jatyr. Būl apta «Möldır būlaq» dep atalady, onyŋ barysynda su aidyndary – özender men kölderdıŋ ainalasy qoqystan tazartylady.
