Qalalyq mäslihatta ötken aptada tūraqty komissiialardyŋ otyrysy öttı, dep habarlaidy astana-akshamy.kz
Senbı künı Azamat Aithojinnıŋ töraǧalyǧymen ötken zaŋdylyq, qūqyqtyq tärtıp jäne jūrtşylyqpen jūmys mäselelerı jönındegı tūraqty komissiianyŋ otyrysynda jer telımın memlekettık mūqtajdyqtar üşın aluǧa bailanysty jer uchaskelerın nemese özge de jyljymaityn mülıktı ielıkten şyǧaru turaly şarttardy kelısu jaiynda mäsele qaraldy.
Tūrǧyn üi jäne tūrǧyn üi inspeksiiasy basqarmasy basşysynyŋ mındetın atqaruşy Beisen Üsenov söz söilep, mäslihattyŋ tūraqty komissiiasynyŋ qarauyna şyǧarylatyn, memlekettık mūqtajdyqtar üşın aluǧa bailanysty ielıkten şyǧarylatyn jer uchaskelerınıŋ tızbesın ūsyndy. Otyrys jūmysyna ötemaqy somasymen kelısetın jer uchaskelerınıŋ ielerı onlain rejimde qatysty.
Menşık ielerımen kezdesu barysynda tūraqty komissiianyŋ töraǧasy Azamat Aithojin olarǧa jügındı jäne olar ötemaqy somasymen kelıskendıkten, şart jobalaryn kelısu boiynşa mäsele kezekten tys sessiiany talqylauǧa şyǧarylatynyn jäne ol boiynşa tiıstı şeşım qabyldanatynyn mälımdedı.
Sondai-aq beisenbı künı Asqar Smaǧūlovtyŋ töraǧalyǧymen äleumettık-mädeni damu mäselelerı jönındegı jäne Vladislav Sergeevtıŋ töraǧalyǧymen qūrylys, ekologiia, kölık jäne tūrǧyn üi-kommunaldyq şaruaşylyq mäselelerı jönındegı tūraqty komissiialardyŋ otyrysy öttı.
Alǧaşqy otyrysta deputattar «Mädeni klasterler arqyly bılım beru men mädeni sauattylyqty damytu. Mädeni turizm men halyqaralyq yntymaqtastyqqa järdemdesu. Elordanyŋ brendbugın qūru» sūraqtaryn qarady.
Al ekınşı otyrystyŋ kün tärtıbı: «Astana qalasy boiynşa qalalyq jäne qala maŋyndaǧy qatynastarda jolauşylar men bagajdy avtomobildık tūraqty tasymaldauǧa tarifterdı kelısu turaly» boldy.
