Dostyq üiınde Jeŋıs künı merekesıne orai «Atalardyŋ erlıgı – jastarǧa ülgı» atty döŋgelek üstel öttı, dep habarlaidy astana-akshamy.kz
Is-şaraǧa elordalyq Qazaqstan halqy Assambleiasynyŋ, Aqsaqaldar keŋesınıŋ müşelerı, ǧalymdar, qoǧam qairatkerlerı, jastar, äskeri bölımderdıŋ qyzmetşılerı jäne basqa da qonaqtar qatysty.
Ūiymdastyruşylardyŋ aituynşa, basqosudyŋ negızgı maqsaty – Ūly Otan soǧysyndaǧy Jeŋıstıŋ tarihi maŋyzyn tüsındıru, ata-babalarymyzdyŋ erlıgın ūlyqtau men nasihattau arqyly öskeleŋ ūrpaqtyŋ boiynda qazaqstandyq patriotizm men ūlttyq sana-sezımdı qalyptastyru.
Is-şaranyŋ moderatory Astana qalasy Işkı saiasat basqarmasy basşysynyŋ orynbasary Läzzat Qūsainova Memleket basşysy Qasym-Jomart Toqaevtyŋ Qazaqstan halqy Assambleiasynyŋ HHHII sessiiasynda söilegen sözınen mysal keltırdı.
Prezident atalǧan sessiiada:
«Bız – bır eldıŋ perzentı, bır halyqtyŋ ūl-qyzymyz! Ūly dalanyŋ ūlan-ǧaiyr jerınde bärımızge oryn jetedı. Osy kielı mekende bärımızdıŋ de közdıŋ qaraşyǧyndai saqtaityn jäne sol üşın eŋbek etıp, ömır süretın qasterlı dünielerımız bar» degen bolatyn.
Moderator ıs-şaraǧa atalǧan tarihi maŋyzy bar künderge qandai da qatysy bar nemese salasy boiynşa kündelıktı bailanysta qyzmet etetınderdıŋ şaqyrylǧanyn aitty.
“Bügınde Qazaqstan halqy Assambleiasynyŋ müşelerı elımızdıŋ qoǧamdyq-saiasi ömırıne belsendı atsalysatynyn maqtanyşpen aita alamyz. Olardyŋ adal eŋbegınıŋ arqasynda elordada da, elde de ūltaralyq kelısım men toleranttylyq saqtaluda. Bız özımızdıŋ igı ısterımızben qazaqstandyqtardyŋ qiyn-qystau kezeŋde jūmylyp, ūlty men käsıbıne qaramastan bırtūtas äreket ete alatynyn körsetemız. Bügıngı şara aldaǧy ekı mereke – Otan qorǧauşylar künı men Jeŋıs künıne arnalady”, – dedı Läzzat Qūsainova.
Jiynda alǧaşqy bolyp söz alǧan Qazaqstannyŋ orys, slavian, kazak ūiymdarynyŋ qauymdastyǧy töraǧasy, Qazaqstan halqy Assambleiasynyŋ müşesı Vladimir Bojko:
“Ūly Otan soǧysyndaǧy qazaqstandyqtardyŋ erlıkterı eşqaşan ūmytylmaidy. Qazaqstannan rezervke 1 million 200 myŋ adam jūmyldyrylsa, eŋbek armiiasy üşın 700 myŋnan astam jıberıldı. Elımızde äskerge şaqyrylǧandardyŋ ışınde 12 atqyştar, 4 atty äsker, 7 atqyştar brigadasy, 50 äskeri batalon men polk qūryldy. 497 qazaqstandyq Keŋes Odaǧynyŋ Batyry atandy. Onyŋ ışınde Bigeldinov, Pavlov jäne Luganskii ekı märte batyr atandy. Elımızde ornalasqan 27 mektep maidanǧa 16 myŋ ofiser daiyndady. 600 000 myŋ qazaqstandyq soǧysta batyrlyqpen köz jūmdy”, – dedı.
Sonymen qatar Vladimir Bojko tyldaǧy erlerdıŋ eren ısterın de atap öttı.
Sondai-aq ıs-şara aiasynda Astana qalasy Memlekettık mūraǧatynyŋ ūiymdastyruymen «Erlıkke taǧzym» atty mūraǧattyq qūjattardyŋ körmesı öttı.
«Ekınşı düniejüzılık soǧystaǧy qazaqstandyqtardyŋ erlıgı arhiv qūjattarynda» kıtaby da körmege qoiylyp, döŋgelek üstelge qatysqan qonaqtardyŋ nazaryna ūsynyldy. Būl arhiv qūjattaryna negızdele otyryp jazylǧan kıtap.Soǧysqa qatysqan azamattardyŋ arhivterı bızde jeke qor retınde jinalǧan. Osy qorlardy toptastyryp orys jäne qazaq tılınde kıtap etıp şyǧardyq. Bügıngı bas qosuǧa arqau bolǧan daŋqty batyrlar Saǧadat Nūrmaǧambetov, Rahymjan Qoşqarbevtar batyr ataǧyn alǧanda 20-dan endı asqan jastar edı. Olar tıptı soǧysqa baruǧa jasy da tolmai, «19 jastamyn» dep özı sūranyp äskerge attanǧan. Osynyŋ bärı bügıngı jinalysqa qatysqan jastarǧa ülken tärbie dep oilaimyn”, – dedı Astana qalasy Memlekettık arhiv direktory Jangeldı Bimoldin.
Aita keteiık, ıs-şarada barlyq qatysuşylar tarihi künge degen qūrmet retınde öŋırlerıne Jeŋıs künıne arnalǧan belgışesın taǧyp otyrdy.
