Qyzylorda oblysy
Biyl Qyzylorda oblysy Şielı audanynda 1200 bas ırı qara fermasyn ıske qosyp, öŋırdegı tabiǧi süt öndıru ülesın arttyru josparlanyp otyr. Al aldaǧy 2019 jyly süt kombinatynyŋ qūrylysy bastalmaq.
Almaty
Almaty sifrlandyru boiynşa qalalar arasyndaǧy düniejüzılık reitingte 25-orynnan körındı. Taldau nätijesı körsetkendei, ülken qalada qauıpsızdık mäselesı öte özektı. Onyŋ basty sebebı köşı-qon körsetkışı öte joǧary. Al qauıpsızdıktı qamtamasyz etu maqsatynda sifrlandyru ısın belsendı qolǧa alyp jatyr.
Aqtöbe
Elımızdıŋ bes öŋırınen 100-den asa talapker «Serpın» äleumettık jobasy arqyly Aqtöbedegı joǧary oqu oryndaryna qabyldandy. Ötken jyly osy joba boiynşa 134 student bılım alǧan. Olar pedagogika salasynyŋ 14 baǧyty boiynşa oqyǧan, al biyl pedagogika salasyna qosa, tehnikalyq mamandyqtar da qoljetımdı bola bastady.
Aqtau
Aqtauda aşyq aspan astynda amfiteatr aşyldy. Keŋ, zamanaui ülgıdegı erekşe sahnanyŋ ūzyndyǧy 70 metrdı qūraidy, sondai-aq biıktıgı 9 metr bolatyn 19 baǧanasy bar. Saxna «Led-panelmen», soŋǧy ülgıdegı jaryq tehnikalarymen jabdyqtalǧan. Būl orynda bır mezette 1000 önerpazdyŋ öner körsetuıne jaǧdai jasalǧan. Al olardy 25 myŋ körermen tamaşalai alady.
Türkıstan oblysy
Türkıstan oblysynda Ş.Qaldaiaqov atyndaǧy «Menıŋ Qazaqstanym» oblystyq än baiqauynyŋ ırıkteu kezeŋı öttı. Ūly kompozitor atyn ūlyqtaityn dästürlı öner dodasynyŋ audan, qala deŋgeiınde ötken bırınşı kezeŋıne 200-ge juyq ümıtker ötınış bıldırıp, onyŋ ışınen 56 ümıtker oblystyq baiqauǧa joldama alǧan. Öner bäigesıne 15-29 jas aralyǧyndaǧy ümıtkerler baq synady.
Qaraǧandy oblysy
Nūra audanyndaǧy şarua qojalyqtary kartop ösıru jūmysynda sandyq tehnologiialardyŋ tolyq kezeŋın engızdı. Mūnda 237 myŋ gektar alqapqa dändı daqyldar egılse, sonyŋ 922 gektaryna kartop salynǧan. Būl körsetkış ötken jylmen salystyrǧanda 22,6 paiyzǧa artqan.
Pavlodar
Pavlodardaǧy Ertıs özenınıŋ jaǧajaiy körkeiıp, taǧy bır şaqyrymǧa ūzartylatyn boldy. İgılıgı mol ıstıŋ nätijesınde jergılıktı halyqtyŋ demalys orny bes şaqyrymǧa sozylmaq. Būl jobaǧa demeuşıler qauymy 1 mlrd 300 mln teŋge bölıp otyr.
