Astanadan auylǧa deiın…
Astana
Astana qalasy Bılım basqarmasy men «Clean City NC» kompaniiasy jäne Äleumettık maŋyzy bar bastamalardy damytu qorynyŋ basşylary özara kelısımge qol qoidy. Kelısımge säikes, Astananyŋ barlyq mektepterınde tūrmystyq qaldyqtardy bölıp saluǧa arnalǧan konteinerler qoiylmaq. Al tūrmystyq qaldyqtardy bölıp salatyn oqu oryndaryna syilyq retınde keŋsenıŋ kerek-jaraqtary taratylady.
Almaty oblysy
Biylǧy jazda «Jasyl el» jastar jasaǧynyŋ Almaty oblysyndaǧy filialynda 1695 jas eŋbek ettı. Olar ekı ai kölemınde şöp şauyp, qoqys tazalap, aǧaş suaryp, aryqtardy qoqystan tazalady.
Jambyl oblysy
Üş tılde oqytu jüiesıne köşu boiynşa ötken oqu jylynda Jambyl oblysynda 45 mektepte biologiia, himiia, fizika, informatika pänderı aǧylşyn tılınde jürgızılgen bolatyn. Al biylǧy 1 qyrküiekten bastap osy pänder öŋırdıŋ 185 mektebınde aǧylşyn tılınde oqytylady.
Türkıstan oblysy
Türkıstan oblysynda polietilen men plastik bötelkelerdı qaita öŋdeu jäne ştapeldık talşyq şyǧaru zauytynyŋ qūrylysy aiaqtaldy. Zauyt tolyqtai ıske qosylǧan kezde 250-den asa jūmys orny aşylady.
Qostanai oblysy
Qostanai oblysynda egın jinau nauqany bastaldy. Oblys boiynşa 4,6 mln gektar alqaptan astyq jinalady. Qazırgı taŋda 120 myŋ gektar jerge oraq tüstı.
Atyrau
Atyrauda tegın Wi-Fi jelısı ornatylǧan 25 oryn paida bolady. Ǧalamtorǧa tegın kıru oryndary qalanyŋ ortalyq aumaqtarynda ornalasady. Atalmyş joba Smart Atyrau jäne «Aqyldy qala» tūjyrymdamasy aiasynda qūrylyp otyr.
Qyzylorda oblysy
Qyzylorda qalasyndaǧy Käsıpkerler üiınde oblystyq «Özıŋe sene basta» atty mümkındıgı şekteulı käsıpkerler önımderınıŋ oblystyq körme-baiqauy öttı. Baiqau jeŋımpazdary Qasiet Oral 1 mln teŋge, Erlıbek Jarmahanov 700 myŋ teŋge, Aslan Ertohaev 500 myŋ teŋge syiaqyǧa ie boldy.