Astanadan auylǧa deiın…
Astanada Jedel medisinalyq järdem brigadalarynyŋ III respublikalyq jarysy bastaldy. Jarysqa qatysuşylarǧa Resei, AQŞ, İzrail, Qytai, Malaiziia, Özbekstan jäne Qazaqstannyŋ jetekşı mamandary şeberlık sabaqtaryn ötkızdı.
Qaraǧandy
Qaraǧandyda «Nūrly jer» baǧdarlamasymen salynǧan bes qabatty tūrǧyn üi paidalanuǧa berıldı. Biriuzov köşesınde boi kötergen üiden baspanaǧa mūqtaj otbasylar päterge ie boldy.
Şyǧys Qazaqstan oblysy
Şyǧys Qazaqstan oblysynda älemge äigılı Berel qorǧandary aumaǧynda aşyq aspan astyndaǧy muzei aşyldy. Berel qorǧandary – Qazaqstandaǧy saq däuırı kezeŋınıŋ organikalyq zattary saqtalǧan jalǧyz tarihi eskertkış.
Qostanai oblysy
Qostanai oblysynda jastardyŋ 143 äleumettık jobasy granttyq qarjylandyruǧa ie boldy. Būl jobaǧa 14-29 jas aralyǧyndaǧy jastar qatysa alady.
Aqmola oblysy
Jaŋa oqu jylynda Selinograd audanyna qarasty Qarajar auylynda 120 oryndyq jaŋa mektep paidalanuǧa berıldı. Zamanaui ülgıde salynǧan, jalpy aumaǧy 554 şarşy metr bolatyn mektep qajettı kerek-jaraqtarmen qamtamasyz etılgen.
Soltüstık Qazaqstan oblysy
M.Qozybaev atyndaǧy Soltüstık Qazaqstan memlekettık universitetınde «Qyzyljar» atty studentterge qyzmet körsetetın alǧaşqy ortalyq aşyldy. Ortalyqta qūjattardy qabyldau-beru terezesı, özıne-özı qyzmet körsetu būryşy bar. Keŋesşıler täjıribelık jäne ädıstemelık kömek körsetedı.