ASTANA
27 qyrküiek künı Qosşy kentınde Europadaǧy qauıpsızdık jäne yntymaqtastyq ūiymynyŋ adamdardy qūtqaru boiynşa arnaiy oqu-jattyǧu operasiiasy ötedı. Elımızde alǧaş ret ötetın būl şaraǧa käsıbi akterler qatystyrylmaq.
KÖKŞETAU
Aqmola oblysy boiynşa Memlekettık qyzmet ısterı jäne sybailas jemqorlyqqa qarsy ıs-qimyl departamentı men oblystyq jastar saiasaty mäselelerı basqarmasy bırlesıp memlekettık qyzmet mektebın aşty.
ATYRAU OBLYSY
Kaspii teŋızınde älemdegı eŋ ülken kran jasaldy. 3500 tonnaǧa deiın jük kötere alatyn kran sondaǧy mūnai öŋdeu zauyty salynyp jatqan qūrylys alaŋynda jinalǧan. Krannyŋ salmaǧy – 600 tonna, ony jinau üşın 7 kran jūmys ısteptı.
JAMBYL OBLYSY
Jambyl oblysynda turizmdı damytuǧa 250 mln teŋge bölındı. Qazır qūny 5,4 mlrd teŋgenı qūraityn bırqatar nysandar qūrylysy bastalǧan. Onyŋ ışınde 5 qonaqüi, 5 meiramhana, 2 kiız üi qalaşyǧy jäne tau-şaŋǧy bazasy bar.
QOSTANAI OBLYSY
Oblys ortalyǧynda tūratyn Erasyl Bolysbek esımdı on tört jasar bala rubik tekşesın aiaqpen jinau boiynşa Qazaqstannyŋ ūlttyq rekordyn ornatty.
PAVLODAR OBLYSY
Ekıbastūz qalasyndaǧy köp profildı baǧyttaǧy №24 mektep-gimnaziiasynda jaŋa STEM-zerthanasy aşyldy. Mūnda oqu injeneriia, baǧdarlama, robototehnika, 3D-modeldeu sekıldı tört baǧytta jürgızıledı.
AQTÖBE
Qalada qazaqtyŋ batyr qyzy Äliia Moldaǧūlovanyŋ esımı berılgen köpır aşyldy. Būl köpır būqara halyqtyŋ ötınışı boiynşa qolǧa alynǧan. Qūrylys jūmystaryna jergılıktı biudjetten 1,2 milliard teŋge jūmsalǧan.
TÜRKISTAN OBLYSY
Biylǧy jyldyŋ 8 aiynda Türkıstan oblysyna 900 myŋǧa juyq turist kelgen. Onyŋ 32 myŋy alys-jaqyn şetelden kelgen saiahatşylar boldy.
