Kölık jüiesı köŋıl könşıte me?
Aldaǧy uaqytta kölık keptelısın azaitu maqsatynda Astanada aqyly joldar paida bolmaq. Būl turaly qalalyq mäslihattyŋ 39-sessiiasynda mälım boldy. Jiynǧa Astana qalasynyŋ äkımı Baqyt Sūltanov pen şahar basşysynyŋ orynbasarlary, audan äkımderı men basqarma basşylary, qoǧamdyq ūiym ökılderı qatysty.
Jalpy, sessiianyŋ kün tärtıbınde 9 mäsele qaraldy. Jiynda alǧaşqy bolyp söz alǧan qala äkımınıŋ orynbasary Sergei Horoşun qaladaǧy keptelıstı azaitu üşın qandai jūmystar atqarylyp jatqanyn baiandady.
– 77 şaqyrymdy qūraityn 24 köşe boiyndaǧy avtobustarǧa arnalǧan Bus lane jolaǧy keptelıstı 24 paiyzǧa jeŋıldettı. Sonymen qatar Abai, Kenesary köşelerı bır baǧytqa köşırılgelı berı mūndaǧy keptelıs 30 paiyzǧa azaidy. Endı keler jyldary sol jaǧalaudaǧy Dostyq, Aqmeşıt, Qonaev, Türkıstan siiaqty bırqatar köşelerdı de bır baǧyttyq jolǧa ainaldyryp, olarǧa Bus lane jolaǧyn qosu josparlanyp otyr. Sol siiaqty köşe qozǧalysyn 2 myŋǧa juyq «Sergek» kamerasy baqylap tūr. Osyndai jūmystardyŋ arqasynda elordadaǧy jol-kölık oqiǧasy ekı esege, qaqtyǧystan jaraqat alatyndar sany 25 paiyzǧa, al kısı ölımı 53 paiyzǧa tömendedı. Endı kölık nöpırın azaitu maqsatynda keibır köşelerdegı joldardy tek taŋǧy uaqytta aqyly qyludy oilastyryp jatyrmyz, – dedı S.Horoşun öz sözınde.
Jiyn barysynda deputattar şeneunıkterge kölık jüiesıne qatysty sūraqtaryn qoiyp, ūsynys-tılekterın aitty. Mysaly, qoǧamdyq kölık jolauşylarynyŋ köp närsege köŋılı tolmaitynyn, olardyŋ tek aialdamalar janyndaǧy tablolar turaly ǧana jaqsy pıkırde ekenın aitqan İrina Manjanova aldaǧy uaqytta şetelderdegı siiaqty School bus free avtobustaryn qoldanysqa engızıp, oquşylardy tegın tasymaldau kerektıgın ūsyndy. Al öz kezegınde deputat Miras Şekenov Ürker tūrǧyn üi alabyndaǧy jol qūrylysynyŋ naqty qaşan aiaqtalatynyn sūrady. Būl sūraqqa qala äkımınıŋ orynbasary Qosman Aitmūhambetov bylai dep jauap berdı: «Smetalyq joba qūjatyna tüzetuler engızılgendıkten, jūmystar keşeuıldep jatyr. Qarjylandyru endı bolady. Jyl soŋyna deiın 10 köşe jöndelıp, jol qūrylysynyŋ jūmysy keler jyly tolyqtai aiaqtaluy tiıs».
Qalanyŋ oŋ jaǧalauyndaǧy Äuezov, Jeltoqsan köşelerınıŋ boiy kölık tūraǧyna ainalǧanyn, būl jerden jaiau ötudıŋ özı qiyn ekenın aitqan Mäjit Şaidarov jergılıktı bilıkke osy mäselenı retteudı ūsyndy. Öz kezegınde mäslihat sessiiasyna alǧaş ret qatysyp otyrǧan qala basşysynyŋ jūmysyna sättılık tılegen deputat Aqylbek Kürışbaev:
– Jaqynda özge öŋırlerden köşıp kelgen zeinetkerler qabyldauymda boldy. Olar da ömır boiy eŋbek etıp, elge qyzmet jasap zeinetkerlıkke şyqqan soŋ elordaǧa köşıp kelıptı. Bıraq, ökınışke qarai, olarǧa qoǧamdyq kölıkterde jeŋıldıkpen jüru mümkındıgı berılmeidı. Aldaǧy uaqytta osy mäselenı qaita qaraularyŋyzdy sūraimyn, – dedı.
Osy jäne basqa da mäselelerdıŋ barlyǧy nazardan tys qalmaitynyn aitqan qala äkımı Baqyt Sūltanov aldaǧy uaqytta mäslihat deputattarymen keŋese otyryp jūmys ısteitının atap öttı.
– Ekı aptanyŋ ışınde elordanyŋ tynys-tırşılıgımen tanysyp, kömır satatyn käsıporyndarda, qalanyŋ syrtqy aumaqtarynda bolyp, jaǧdaidy öz közımmen kördım. Jalpy, jüzdegen jyldyq tarihy bar älemnıŋ köptegen qalalarymen bar bolǧany 20-aq jylda terezesı teŋesken Astananyŋ bolaşaǧy zor. Būl tūrǧyda bızge artylǧan mındetterdıŋ de salmaǧy joǧary. Osy oraida sızdermen keŋese otyryp, Elbasy men elordalyqtardyŋ senımın aqtauǧa barymdy salamyn, – dedı qala basşysy.