Astanadan auylǧa deiın…
Astana
Astanada jastarǧa kömek beretın kezektı ortalyq aşyldy. «Aimaq tau» sauda üiınde ornalasqan jaŋa ortalyqta jastardy qoldauǧa baǧyttalǧan memlekettık baǧdarlamalar turaly aqparattar men türlı keŋester berıledı.
Almaty
Elımızde onlain tölem jüiesınen Almaty qalasy köş bastap tūr. Megapolis tūrǧyndarynyŋ jartysynan astamy onlain tölemge jügınedı eken.
Qaraǧandy oblysy
Qaraǧandydaǧy «Jūldyzdar alleiasyna» Qazaqstannyŋ eŋbek sıŋırgen qairatkerı, Memlekettık ürmelı aspaptar orkestrınıŋ körkemdık jetekşısı-bas dirijerı Qanat Ahmetovtıŋ esımı altyn ärıptermen jazylyp, muzykantqa arnaiy sertifikat tapsyryldy.
Türkıstan oblysy
Sozaq audanynyŋ 90 jyldyǧyna orai Şolaqqorǧan auylynda «Sosialistık Eŋbek erlerı» men şertpe küi şeberlerınıŋ alleiasy aşyldy.
Aqmola oblysy
Qazaqstannyŋ kielı jerler kartasyna Aqmola oblysynan 43 eskertkış engızılgen. Osyǧan orai qazırgı taŋda olarǧa aparatyn ırı 8 turistık baǧyt äzırlendı.
Aqtöbe oblysy
Aqtöbedegı ūn kombinatyndaǧy robottyŋ arqasynda eŋbek önımdılıgı 4 esege artqan. Robot tört adamnyŋ jūmysyn ısteitın körınedı.
Şymkent
Şymkentte kelesı jyly 350 köşe jöndelmek. Qala basşylyǧy jaŋa kärız jüiesın saludy da josparlap otyr.
Şyǧys Qazaqstan oblysy
Zaisan audanyndaǧy 9 auyldyŋ tūrǧyndary gazben qamtyldy. Būl ıske memleket qazynasynan 1 milliard 200 million teŋge bölıngen.
Maŋǧystau oblysy
Tüpqaraǧan audanynda ıske qosylǧan zauyt pasterlengen tüie sütın şyǧaruǧa köştı. Osy aptada 10 tonnadai oisyl qara sütı men odan jasalǧan önımder Astana naryǧyna kelmek.
Atyrau oblysy
Atyrauda 7-20-25 baǧdarlamasy boiynşa qyryqqa juyq adam päter aldy. Jalpy biyl öŋırde 44 köpqabatty tūrǧyn üidıŋ qūrylysy bastaldy. Būl – 3892 päter. 34 üi jyl aiaǧyna deiın qoldanysqa berıledı.