Astana
Selinograd audany Qosşy auylynda «Qosşy» otbasylyq-densaulyq ortalyǧy aşyldy. Memlekettık-jekemenşık ärıptestık aiasynda aşylǧan ortalyq bır auysymda 150 adam qabyldauǧa daiyn. Ortalyqta 5 därıger, 16 medbikenıŋ kömegımen uchaskelık qyzmet, kündızgı stasionar, laboratoriialyq qyzmetter körsetılmek.
Almaty
Almaty oblysynda Memlekettık kırıster departamentınıŋ qyzmetkerıne zaŋsyz syiaqy bermek bolǧan azamat 336 myŋ 700 teŋge aiyppūl töledı. A. esımdı azamat bıldırtpei 1000 teŋge mölşerınde qarajat tastap ketkısı kelgen. Oqiǧa Qarasai audanynda bolǧan.
Şyǧys Qazaqstan oblysy
Kürşım audanynda Qyzyl kıtapqa engen sarǧaldaq tūqymdas tauşymyldyqtyŋ tamyryn qazǧan 2 jıgıt ūstaldy. Olardan tauşymyldyqtyŋ 23 tüptamyry tärkılengen. Ösımdık Qyzyl kıtapqa engendıkten, azamattardyŋ üstınen qylmystyq ıs qozǧaluy mümkın.
Türkıstan oblysy
QR Ükımetınıŋ 22 mausymdaǧy №362 qaulysyna sai, Türkıstan oblysynyŋ jaŋa qūrylatyn Jetısai, Maqtaaral, Keles, Saryaǧaş audandarynyŋ şekaralary belgılendı. Mäselen, Saryaǧaş audan aumaǧy 417074 gektar, Keles audanynyŋ aumaǧy 345129 gektar, Jetısai audany aumaǧynyŋ audany 104634,19 gektardy qūraidy.
Atyrau
Atyraulyq jastar arasynda üzdık balyqşylar anyqtaldy. Jarys kezınde jemdı dūrys taŋdap, balyqty eptı ūstau sapasyna män berıldı. Oblystyq «Jas Otan» jastar qanatynyŋ ūiymdastyruymen ötken baiqauǧa qala jäne audandardan 16-29 jas aralyǧyndaǧy azamattar qatysty. Bırınşı oryndy Jetkınşek Qūltemırov ielenıp, 80 myŋ teŋge kölemındegı syiaqymen marapattaldy.
Taldyqorǧan
Taldyqorǧanda «Jetısu» jäne «Ogni Alatau» gazetterınıŋ 100 jyldyq mereitoiyna orai atalǧan basylymnyŋ jurnalisterıne päter berıldı. Baspana kıltterın saltanatty keşte Almaty oblysynyŋ äkımı Amandyq Batalov tabystady.
Qyzylorda oblysy
Aral audandyq jedel järdem stansasy jaŋa 3 kölıkpen tolyqty. Jyl soŋyna deiın taǧy da 12 kölık keledı dep kütılude. Josparlanǧan jūmystar jüzege asqan jaǧdaida, eskı kölıkterdıŋ bırazy jaŋartylyp, jedel järdemnıŋ qyzmetı de jaqsara tüspek.
