Täuelsızdık künı merekesı men Astananyŋ 20 jyldyǧyna arnalǧan «Astanam, sensıŋ aibarym» atty «Altyn dombyra» VII respublikalyq aqyndar aitysy elordany ekı kün boiy dübırge böledı. Mädeniet jäne sport ministrlıgı ūiymdastyrǧan «söz barymtasyna» jiyrma aqyn şaqyrylyp, olardyŋ bır toby aitystyŋ qorytyndysynda tiıstı jüldelermen qatar «Mädeniet salasynyŋ üzdıgı» ataǧyn alyp qaitty.
«Şarşy topta söz bastaudan qiyndyq körgem joq» dep Būqar jyrau babamyz aitpaqşy, aitysty bastaǧan keşegı Syr süleilerınıŋ jalǧasyndai aqyn Nūrmat Mansūrov sol jauapkerşılıktı sezınıp, sahnaǧa şyqty. Onyŋ qarsylasy da oŋai şaǧylatyn jaŋǧaq emes edı, Aqtöbe jerınde ötken ataqty halyq aqyny Nūrpeiıs Baiǧaninnıŋ şöberesı Erşat Qaiboldin boldy.
Ekı aqyn da bırın-bırı sözben tüirep, bırazǧa deiın bardy. Alǧaşqy jūp bolǧan soŋ aitysty jürgızgen belgılı aqyn, neşe jyldan berı aitystyŋ «otymen kırıp, külımen şyǧyp jürgen» Jürsın Erman da uaqyttan şektemedı. Nūrmat Erşattyŋ «bır aitysta bas jülde alsam, üilenemın» degen söz aitqanyn, sodan bırneşe öleŋjarysta top aldynan körınse de, sol uädesın oryndamai kele jatqanyn tılge tiek ettı. Aqyndar Täuelsızdık merekesı kelgende aitpai ketuge bolmaityn 1986 jylǧy Jeltoqsan köterılısın jyrlady. Būl jūptyŋ tartysynda Nūrmattyŋ basymdyǧy körınıp tūrdy. Qazaqstannyŋ Eŋbek Erı, KSRO halyq ärtısı, Memlekettık syilyqtyŋ laureaty Asanälı Äşımov bastaǧan qazylar alqasy da jeŋıstı soǧan berdı.
Būl aitystyŋ bır jaŋalyǧy – qazylar alqasynan bölek aqyndar önerıne baǧa bergen täuelsız sarapşylar taǧaiyndaldy. Solardyŋ qatarynan oryn alǧan belgılı aqyn Bauyrjan Haliollanyŋ Nūrmat pen Erşattyŋ aitysyna köŋılı tolmady. «Aqyndar eldıŋ mäselesın tiıp qaşyp aitty. Ekeuı de joldyŋ ekı şetıne tüsıp alyp, şapty da otyrdy. Būl aitysta jauaptasu, söz qaǧysu bolǧan joq. Aqyndarymyz ministrdı, äkımdı aitsa, halyqqa ötemız dep oilaidy. Odan da basqa özektı mäseleler, tılıp-tılıp aitatyn taqyryptar bar ǧoi» dedı ol.
«Altyn dombyra» aitysy Astanaǧa tört jyldy aralatyp baryp oraldy. 2014 jyly Balǧynbek İmaşev bas jüldenı ielengen soŋ, būl aitys qatarynan ekı jyl Almatyda, byltyr Aqtöbede ūiymdastyryldy. Ekınşı jūpta atyraulyq Şalqarbai Izbasarovpen söz qaǧysqan astanalyq Äsem Erejeqyzy mūny dūrys baiqap, astanalyqtar «Altyn dombyrany» Olimpiadany kütkendei bolǧanyn öleŋge qosty. Jalpy osy ekı aqynnyŋ tartysy qyz ben jıgıt aitysynyŋ ädemı ülgısındei boldy. Qorytyndysynda qazylar alqasynyŋ şeşımımen Şalqarbai ūpai sanynan säl basymdyqpen Äsemnen ozdy.
Astanalyq Erkebūlan Qainazarov pen almatylyq Rüstem Qaiyrtaiūlynyŋ aitysyna sarapşy retınde baǧa bergen arqaly aqyn, Jazuşylar odaǧynyŋ Astana qalasyndaǧy filialynyŋ töraǧasy Däuletkerei Käpūly būl ekeuınıŋ söz qaǧysuyn tamaşalaǧanda, finaldaǧy aitysty körgendei äserde bolǧanyn aitty. Rasymen de, būl aitysta tereŋ oi da, tapqyrlyq ta, äzıl de bärı de boldy. Qazylar alqasynyŋ müşesı, belgılı jazuşy, Memlekettık syilyqtyŋ laureaty Qajyǧali Mūqambetqaliūly Rüstemge «8» ūpai bergende, körermender onymen kelıspei, şulai bastady. Aqyry Asanälı Äşımov «töraǧa retınde ekı dauysymdy paidalanyp, Rüstemge beremın» dep halyqty tynyştandyrdy.
Törtınşı jūp bolyp Serık Quanǧan men Syrym Ädılbekov aitysty. Besınşı jūptaǧy Tölegen Jamanov pen Aibek Qaliev bır-bırınıŋ betınen almai, salmaqty oilar aitty. Qazylar alqasy ekeuıne de eŋ joǧary ūpailardy berdı. Qaraǧandylyq Didar Qamiev pen almatylyq Qazıret Berdıhandy da qazylar osylai baǧalady.
Qazan aiynda Mädeniet jäne sport ministrlıgı elorda mereitoiyna arnap «Jyr arqauy – Astana» atty aitys ūiymdastyrdy. Sol dodada Rinat Zaiytov pen «Altyn dombyranyŋ» ekı dürkın jeŋımpazy Mūhtar Niiazov bas jüldenı ielendı. Būl jerde «Altyn dombyra» aitysy jetınşı ret ūiymdastyrylsa, Rinat oǧan alǧaşqy ret qatysqanyn aita ketu kerek. Qos qarsylas bır-bırıne sai bolyp, kelesı küngı aitystyŋ aqtyq kezeŋıne şyqty.
Kez kelgen aitystyŋ sänı bolǧan «Qūlmanbettıŋ qūlyny», marqūm Orazaly Dosbosynovtyŋ şäkırtı Bolatbek Orazbaev pen qaraǧandylyq Tılegen Ädılov jūp bolyp tüsıp, keşegı jyraularşa tolǧady. Talantty aitys aqyny ekenın tanytqan Meiırbek Sūltanhan men Kereku öŋırınde aitystyŋ tuyn joǧary ūstap kele jatqan Aspanbek Şūǧataevtyŋ aitysynda alǧaşqysy basym tüstı. Alǧaşqy kündegı aitysty tüiındegen Maqsat Aqanov pen Jansaia Musina qyz ben jıgıt aitysyn jasap, äzıl-qaljyŋdy molynan aityp, jinalǧan halyqty külkıge qarq qyldy.
Ekınşı künı finalǧa şyqqan on ekı aqyn, alty jūpty qūrady. Sonyŋ ışınde Rinat Zaiytov pen Qazıret Berdıhannyŋ söz qaǧysuynan soŋ halyq qazylar alqasynyŋ Rinatqa bergen baǧasyna kelıspei, 15-20 minuttai şulap tūryp aldy. Aqyry Rinattyŋ özıne körermenderdı sabyrǧa şaqyruǧa tura keldı.
Aitystyŋ qorytyndysynda Jansaia Musinanyŋ baǧy janyp, ol bas jülde – «Altyn dombyrany» jeŋıp aldy. Bırınşı oryndy jäne «Aitystyŋ aqtaŋgerı» ataǧyn Didar Qamiev aldy. Ekınşı oryndy Erkebūlan Qainazarov pen Meiırbek Sūltanhan bölıstı. Üşınşı oryn jüldesı Rinat Zaitov, Maqsat Aqanov jäne Rüstem Qaiyrtaiūlyna taratyldy. Al Tölegen Jamanov mesenat Dulat Tastekeev taǧaiyndaǧan arnaiy stipendiiaǧa ie boldy. Aitysqa qatysqan özge aqyndar arnaiy aqşalai jüldelerdı aldy.
«ALTYN DOMBYRA» İEGERLERI
2012 jyl – Mūhtar Niiazov
2013 jyl – Jandarbek Būlǧaqov
2014 jyl –
Balǧynbek İmaşev
2015 jyl –
Aspanbek Şūǧataev
2016 jyl –
Mūhtar Niiazov
2017 jyl –
Jandarbek Būlǧaqov
2018 jyl –
Jansaia Musina
