Astana qalasy käsıpodaqtar keŋesı men astanalyq salalyq käsıpodaqtary «Nūr Otan» qalalyq partiiasynyŋ qoldauymen ūzaq jyldar boiy ūrpaqtar sabaqtastyǧyn üzbesten, bükıl äuletımen tek bır salada ter tökken eŋbekker jandarǧa erekşe qūrmet körsettı.
«Atadan balaǧa jalǧasqan bır käsıppen ainalysyp, aldyŋǧy tolqynnyŋ täjıribesın jaŋa ūrpaqtyŋ jaŋalyǧymen jaŋǧyrtudy dästürge ainaldyrǧan azamattardy därıpteu arqyly eŋbek adamynyŋ bedelın köteremız» dedı qalalyq käsıpodaq keŋesınıŋ töraǧasy Särsenbai Myŋbaev marapattau sätınde söilegen sözınde. Ol önegelı otbasylar jaiynda qysqaşa toqtalyp ötıp, syi-siiapat tabys ettı. Olardyŋ arasynda «Astana su arnasy» mekemesınıŋ ökılı Dalkeevter otbasy, pedagogtar äuletınen – №40 mekteptıŋ direktory Erbol Irgebaev, densaulyq saqtau salasynan Belokobylovtar otbasy jäne elorda mädenietınıŋ tanymal äuletı Öselbaevtar men temırjolşylar äuletı – Japarovtardyŋ otbasylary bar.
Jalpy eŋbek ötılı 640 jyldy qūraityn Japarovtar otbasyn Qazaqstan temır jolynyŋ maqtanyşy dep aituǧa bolady eken. Äulettıŋ tarihyna üŋılsek, 1934 jyldary aǧaiyndy Zeinelǧabiden men Beisembai Japarovtar bırı dispetcher, bırı jolserık bolyp temır jol boiyna jūmysqa ornalasady. Sodan berı būl äulettıŋ köptegen ökılderı maşinist, injener, operator, kassir, taǧy basqa osy salanyŋ türlı mamandyqtaryn igergen. Būl künde Zeinelǧabidennıŋ qyzy Säule äulettıŋ ülkenı retınde äke jolyn jalǧastyryp keledı. Daŋqty äuletten şyqqan alty azamat bügınde Astana stansasynda eŋbek etude.
Astanalyq pedagogtar otbasynyŋ jarqyn ökılı retınde Irgebaevtardy aituǧa bolady. Ūstazdyq etuden jalyqpaǧan önegelı janūiada tarihşy, ädebietşı, matematika pänınıŋ mūǧalımderı öskeleŋ ūrpaqty tärbieleuge atsalysuda.
Al, Öselbaevtar äuletı astanalyqtarǧa jaqsy tanys. Aŋ patşasy arystandy qolǧa üiretıp, degenıne köndırgen marqūm Mūrat Öselbaevtyŋ ısın būl künde jary men kelın-balasy, jalǧastyryp keledı. Tungalag Öselbaeva üiretılgen arystandarymen Astanalyq sirktıŋ şymyldyǧyn aşqan edı. Sirek käsıp äkeden balaǧa qalyp, jalǧasyn tapty. Mūrattyŋ ūly Mūhtar – jas aŋ üiretuşılerdıŋ bırı.
– Belgılı bır mekemede bır äulettıŋ ökılderı eŋbek etıp, abyroiǧa bölenuı sirek kezdesedı. Būl bır jaǧynan käsıporynnyŋ ornyqtylyǧyn bıldıredı. Odan bölek jūmysşylarǧa jaǧdai jasalyp, olardyŋ äleumettık qoldauyn da qosuǧa bolady. Al būnyŋ bärı otbasyndaǧy bala tärbiesınde körınıs tauyp, olardyŋ ömır jolyn taŋdauda dūrys şeşım jasaitynyna közımız jetıp otyr, – dedı Respublikalyq mädeniet, sport jäne aqparat qyzmetkerlerı käsıpodaǧynyŋ Astana qalalyq filialynyŋ töraiymy Svetlana İmanqūlova.
Aigül UAISOVA
