Astana qalasy Işki saiasat basqarmasynyŋ bastamasymen qalalyq Jastar saiasatyn qoldau memlekettik qorynyŋ «Esil» aula kluby balalar men jasöspirimderge esigin aiqara aşty. Sauran köşesindegi jaŋadan salynǧan tūrǧyn üi ǧimaratynyŋ 510 şarşy metrin alyp jatqan aula kluby jasöspirimderdiŋ bos uaqyttaryn tiimdi paidalanuǧa jaǧdai jasau baǧytynda birlese jürgizgen jūmystardyŋ nätijesinde aşylyp otyr.
«Esil» aula kluby 500-den astam jas elordalyq balalar men jas-öspirimderdiŋ köp funksionaldy mädeni-sport ortalyǧyna ainalmaq. Ortalyqta boks, küres, karate seksiialary, jattyǧu jäne üstel tennisi zaly, beineleu öneri jäne qolöner bölmeleri, şahmat jäne horeografiia üiirmeleri bar. Jasöspirimdermen täjiribeli mūǧalimder men psiholog mamandar jeke jūmys isteitin bolady.
Jaŋa aulalyq klubtyŋ aşylu saltanatyna Astana qalasy mäslihatynyŋ hatşysy Sansyzbai Esilov, Esil audanynyŋ äkimi Säbila Mūstafina jäne Olimpiada oiyndarynyŋ chempiony, ataqty baluan Jaqsylyq Üşkempirov qatysty.
Qazirgi taŋda elordadaǧy aula klubtarynyŋ sany osymen 27-ge jetse onyŋ 13-i Astana qalasynyŋ Jastar saiasatyn qoldau memlekettik qorynyŋ üilestiruimen jūmys jasauda. Aula klubtary qarjylandyrudy qajet etetini belgili. Eger klubtyŋ meken-jaiy qala äkimdiginen tegin berilse, kom-munaldyq qyzmet şyǧyndaryn Qordyŋ esebinen jabady. Sonymen qatar jattyqtyruşylar men oqytuşylar jalaqysy qor esebinen tölenedi. Orta eseppen aula klubtarynyŋ jūmysyna bir jylda 2-3 milliondai qarjy jūmsalady eken.
Dese de, aula klubtary jasöspirimderdiŋ bos uaqytyn tiimdi ötkizuge baǧyttalǧan äleumettik maŋyzdy joba bolyp tabylady. Būl rette biznestiŋ äleumettik jauapkerşiligin erekşe atap ötuge bolady. Elordalyq «Astana finans» AQ, «Altyn 21», «Qūlager» «Abinukas», «Nūr Astana qūrylys», «Elektrik NS», «AKM», «ŞAR qūrylys», «Asan», «Seihankontrakşn» kompaniialary aula klubyn iske qosuǧa at salysyp, demeuşilik körsetipti.
Osyndai igi istiŋ basynda jürgen azamat – Astana qalasynyŋ Jastar saiasatyn qoldau memlekettik qorynyŋ direktory Amanbek Tölepbergenov aula kluby jūmysy jöninde habardar etti: «2011jyldyŋ basynan bastap Jastar saiasatyn qoldau qory jūmysyn bastady. Onyŋ negizgi baǧyttarynyŋ biri – elordada aula klubtaryn aşu, ony jetildiru bolyp tabylady. Ötken jyldyŋ özinde qalamyzda 10 aula kluby aşyldy, jyldyŋ aiaǧyna deiin 12 klub aşu oiymyzda bar. «Esil» aula kluby – attas audandaǧy klubtardyŋ eŋ ülkeni. Mūnda ärbir seksiiaǧa arnaiy oryn, bölmeler bölingen. Qajetti sport jabdyqtary alynyp, balalardyŋ igiligine berildi. Alǧaşynda aula klubtarynyŋ jūmysyna jatyrqai qaraǧan qala tūrǧyndary büginde belsendilik tanytyp, klub jūmystaryn jaqsartuǧa da at salysuda. Sabaqtan qol bosta balalar men jasöspirimder sendelip bos jürmei, densaulyǧyna paidaly ispen şūǧyldanatyn bolady. Olar klub äkimşiligi men oqytuşylardyŋ, psiholog mamannyŋ qadaǧa-lauynda bolady. Tipti klub jaily estip, basqa audannyŋ balalary da kelip jatady. Biz mümkindiginşe är aulada öz klubyn aşuǧa küş salamyz. Tūrǧyndar aula klubtaryn aşamyz dese, ne būryndary aqyly qyzmet körsetetin şaǧyn seksiialardyŋ jūmysyna qarjylai kömek qajet bolsa, barlyq mümkindikterdi qarastyryp, balalar men jasöspirimderdiŋ bos uaqytyn tiimdi ötkizudi ūiymdastyruda barlyq amaldardy qarastyruǧa daiynbyz».
Aula klubynyŋ alqyzyl lentasy qiylyp, quanyşqa jinalǧan jūrt aula klubyna lap qoidy. Jaqsyny körmek üşin. Boks, karatemen ainalysatyn balalar oiyndaryn körsetip jatyr eken. Şahmat oinaityn bölme, muzyka, vokal, bi zaly da balalarǧa lyq toly. Qolönerşiler men suretşilerge de arnaiy bölme bölingen. Nemerelerin jetektegen äjeler de osynda jür. Köpşilik ortasynan jattyqtyruşy Ämirhan Äubäkirovpen kezesip, sözge tartqan edik. Ol taza äri keŋ, qolaily sport zalynyŋ berilgenine quanyp, oiymen bölisti: «Balalardyŋ bäri käsipqoi sportşy bolmauy mümkin. Biraq, ärqaisynyŋ taudai talaby bar. Osy sport zalynda ötken jattyǧular olardyŋ ömirinde izsiz ketpeidi. Jinaqtylyq, senimdilik, tözimdilikke baulityn sporttyŋ orny bölek. Qajet bolǧan jaǧdaida özin-özi qorǧap, özgege de kömektese alady. Jas sportşylardy jaqyn jerlerde ötip jatatyn turnirlerge de aparyp tūramyz. Soŋǧy ret üş qola, bir altyn medalmen oraldyq. Endi şeberlikti şyŋdaityn jaŋa oryn aşyldy. Tüske deiin bir jarym, eki saǧattai men jattyqtyrsam, tüsten keiin basqa jattyqtyruşy öz tobynyŋ sportşylarymen jūmys isteidi. Aptasyna üş ret ötkiziletin boks seksiiasyna elu-alpystai bala qatysady», – dedi.
Öskeleŋ ūrpaqtyŋ äleumettik jaǧdaiyn arttyryp, eline laiyqty azamat etip qalyptastyru – memleketimizdiŋ jastar saiasatynyŋ alǧa qoiǧan basty basymdyqtarynyŋ biri. Osy maqsatta qūrylǧan aula klubtary jūmysy jemisti nätijesin berude. Äl-auqaty tömen otbasylarynyŋ balalary üşin ülken kömek. Olardyŋ bos uaqyttary tiimdi ūiymdastyrylyp, ärtürli üiirmeler tegin jürgiziledi. Aula klubtarynyŋ taǧy bir erekşeligi – balalar tūrǧylyqty jerinen alysqa barmaidy. Özi ösken jerinde qoǧamnyŋ bir bölşegindei öziniŋ qajettigin tüsinedi. Aula klubtarynyŋ aşyluynyŋ da, körsetilip jatqan qamqorlyqtyŋ tüpki mäni de osynda jatyr.
Balanyŋ qyzyǧuşylyǧyna, ikemine qarai jaŋa qyry aşylyp, ömirlik jolyn anyqtauǧa da aula klubtary septigin tigizedi. Öz ortasynda jürgen balanyŋ jauapkerşiligi de artady. Balanyŋ tūlǧa retinde qalyptasuyna mektepten bölek öz dostarynyŋ yqpaly küşti. Būl orta – köşeniŋ qaltary-synda, ne iesiz quystarda emes, aula klubtarynda örken jaimaǧy qūptarlyq. Mūndai ortada ösken balanyŋ tärbiesi men bolaşaǧyna senimimiz mol. Jasöspirimniŋ mädeni ruhani qajettilikterin öteitin aula klubtarynyŋ osy tūrǧyda da ülesi mol. Onyŋ jūmysyna barlyǧy qamtylady, bärine de qol jetimdi. Jyldar ötken saiyn baǧdary da aiqyndalyp, dästüri qalyptaspaq. «Jūmysty tek qana aşylǧan üiirmelerdiŋ aiasynda şektemei, türli pikirtalastar men trening arqyly mädeni-aǧartuşylyq jūmystaryn jürgizip, ekskursiialar men saiahattar jasap, türli jarystar men saiystar ūiymdastyryp, aula klubynyŋ ömirin qyzdyramyz», – deidi «Esil» aula klubynyŋ üilestiruşisi Jadyra Qystyqbaeva.
Aigül UAISOVA
