Biyl elordada «Nūr-Sūltan – jaily qala» master-jospary aiasynda 250 qoǧamdyq keŋıstıkter men tūrǧyn üi maŋyndaǧy aulalar men gülzarlardy abattandyru josparlanyp otyr. Būl turaly Nūr-Sūltan qalasynyŋ säulet, qala qūrylysy jäne jer qatynastary basqarmasynyŋ basşysy Nūrlan Ūranhaev mälım ettı.
2022 jyly kütımsız qalǧan köpşılık oryndaryn, aulalardy abattandyru jūmystary jalǧasady. Mämbetov köşesındegı jaǧalau janynda skeit-park, al «Jetı jol» tūrǧyn üi keşenınıŋ janynda gülzar aşylady. Sondai-aq jaŋa gülzar baqtar «Agroqalaşyq», «Köktal-1», «Temırjolşylar», «İnternasionalnyi», «Ürker» eldı mekenderıne egıledı.
Jaiau jürgınşılerge yŋǧaily bolu üşın qalanyŋ är tūsyn kögaldandyru arqyly seruendeu oryndaryn aşu josparlanyp otyr. Būl rette Respublika daŋǧylynyŋ nemese «Teatralnyi» jelekjolynyŋ ülgısı boiynşa jaiau jürgınşılerge arnap ötkelder qūrylatyn bolady.
Sonymen qatar, «Qazaq elı» alaŋyn kögaldandyru, Ortalyq saiabaq pen Amman köşesındegı jaǧalaudy abattandyru, Ūlytau saiabaǧyn qaita jaŋǧyrtu jūmystary jürgızıletın bolady.
«Jürgızılıp jatqan jūmystyŋ tüp negızı dizain-kod pen kedergısız orta boiynşa «Adamdarǧa arnalǧan qala», «Jaily qala» tūjyrymdamalarynda jatyr. Ol üşın qoǧamdyq keŋıstıkter köbırek qūrylady, velojoldardyŋ ūzyndyǧy artady. Būl prosess kezeŋ-kezeŋmen jüredı. Ötken jyly 190-ǧa juyq qoǧamdyq keŋıstık pen aula abattandyryldy. Biyl aitarlyqtai köbırek qamtu josparlanyp otyr. Būl rette abattandyru boiynşa talqylauǧa tūrǧyndardyŋ da belsendı qatysuy maŋyzdy» dep atap öttı elordanyŋ säulet, qala qūrylysy jäne jer qatynastary basqarmasynyŋ basşysy Nūrlan Ūranhaev.
Memleket basşysy Qasym-Jomart Toqaev Qazaqstan halqyna Joldauynda būqaralyq sportty keŋınen nasihattaudy tapsyrdy. Osyǧan bailanysty dene şynyqtyru-sauyqtyru ortalyqtaryn salu nemese «Qazaqstan» sport keşenın rekonstruksiialaudan bölek, ärbır audanda sport alaŋdaryn salu jūmysy jalǧasady.
«Nūr-Sūltan – jaily qala» master-jospary aiasynda elorda äkımınıŋ tapsyrmasy boiynşa 500-den astam aula men qoǧamdyq keŋıstık abattandyryldy.
Qala tūrǧyndaryn ötken jyldardyŋ täjıribesı boiynşa abattandyru jobalaryna tartu josparlanyp otyr. Qalalyq urbanistika ortalyǧynyŋ basşysy Elnar Bazyken atap ötkendei, apta saiyn audandyq äkımdıktermen bırlesıp qoǧamdyq tyŋdaular ötkızıledı, elorda belsendılerı men qoǧamdastyq ökılderınen jaily jaǧdai jasau boiynşa tılekter men ūsynystar jinalady.
«Orbita» şaǧyn audanyn, Keŋdala 2 jäne 3, Qajymūqan 4 jäne 8/1, Täuelsızdık 6/1 jäne 6/2, Bögenbai batyr daŋǧyly 35, Baraev köşesın, Abylai han köşesındegı saiabaqty, «Ūlytau» alleiasyn jäne Aqbūlaq jaǧalauyn abattandyru mäselesın talqylau boiynşa tūrǧyndarmen kezdesuler ötkızıldı. Sondai-aq belsendılermen jäne käsıbi sportşylarmen ekstremaldy sport türlerıne arnalǧan keŋıstıkter qūru boiynşa kezdesuler ūiymdastyryldy: skeiting, bmx raiderler, rollerler, parkurlar jäne t.b.
