Qaztūtynuodaǧynyŋ joǧary sauda-ekonomikalyq kolledjınıŋ studentterı QR Parlament Mäjılısı deputattary Bauyrjan Sartbaev jäne Eldos Abakanovpen kezdestı. Şara barysynda kolledj direktory Myrzabek Küjımov qonaqtardy oqu ornymen, ondaǧy jabdyqtalǧan arnaiy kabinettermen tanystyryp şyqty.
«Kez kelgen salany meŋgerude teoriiany täjıribemen bailanystyru maŋyzdy. Sondyqtan, jabdyqtalǧan arnaiy kabinetterde studentter özındık jūmystarymen ainalysady. Sapaly bılım berude täjıribenıŋ maŋyzdylyǧyna asa qatty män beremız» dedı kolledj basşysy.
Kezdesude alǧaşqy bop söz alǧan Bauyrjan Sartbaev qazırgı taŋda jastardyŋ bılım alu mäselesı basty orynda ekenın aitty.
«Elordada osyndai belgılı bır salany meŋgerıp jatqan kolledjde maman boluǧa bılım alyp jatqan jetıstıkterıŋızge qarap quanyp otyrmyn. Öndırıske barǧanda da qiyndyq tudyrmaidy dep oilaimyn. Sebebı teoriiamen qatar, täjıribenı de ūştastyryp otyrǧandaryŋyzdy körıp otyrmyn. Bızde «Jaŋa Qazaqstan» qūruda jastardyŋ bılım aluy mäselesı basty orynda tūr. Sol üşın de sızdermen aşyq dialog qūruǧa arnaiy keldık. Sebebı bolaşaǧymyz sızderge bailanysty. Bılım alu zamanǧa sai jyldam özgerıp otyr. Soǧan sai talap ta özgerude. Osy rette bız bılım salasy boiynşa mäselelerdı köterıp, deputattyq saual joldaityn bolǧandyqtan, sızderdıŋ de mäselelerıŋızben tanysuǧa keldık» dedı Mäjılıs deputaty.
Eldos Abakanov ta ärıptesınıŋ sözın qoldai kele, aşyq dialogqa daiyn ekenın jetkızdı.
«Kolledjdıŋ materialdyq-tehnikalyq bazasyn da, oqu prosesın de kördık. Sapa tūrǧysynan jaqsy maman bolyp qalyptasudasyzdar dep oilaimyn. Aşyq dialog qūruǧa daiynbyz» dedı.
Sūraq-jauap barysynda kolledj mūǧalımderınıŋ jalaqysynyŋ tömendıgı turaly mäsele qozǧaldy. Sondai-aq kolledj ben jūmys beruşı arasyndaǧy kelısımşarttyŋ dūrys jüzege aspaityny turaly aityldy. Sebebı jūmys beruşıler jauapkerşılıktı dūrys sezınbegendıkten, studentterge de täjıribeden ötuge qiyndyq tudyrǧanyn aityp öttı.
«Qazırgı taŋda mūǧalımderdıŋ jalaqysy basty mäsele bolyp otyr. Mektep mūǧalımderı men JOO oqytuşylarynyŋ jalaqysy bırtındep köterılıp jatyr. Sızder aitqan mäsele boiynşa, jekemenşık oqu oryndary men kolledj mūǧalımderınıŋ jalaqysy turaly mındettı türde ūsynys beretın bolamyz. Al jūmys beruşıler boiynşa da sūraqtaryŋyz öte oryndy. Mūny da şeşuge tyrysamyz» dep jauap berdı Eldos Abakanov.
Studentter tarapynan köterılgen taǧy bır mäselenıŋ bırı – kolledj bıtırgen soŋ joǧary oqu ornyna tüse almau turaly boldy. Sebebı 9-synyp bıtırgen oquşy 2 jyldan soŋ kolledj tülegı atanady. JOO bılımın jalǧastyru üşın kolledjde taǧy 1 jyl aqyly oqu kerek bolady. Olarǧa memleket tarapynan grant bölınbegen. Al kolledj bıtırgen tülek kämelet jasqa tolmaǧandyqtan, jūmysqa da qabıletsız bolady ärı JOO-na da tapsyra almaidy. Osy tūrǧydan deputattarǧa tiımdı joldy ūsynu turaly sūraq qoiyldy.
«Būl mäselenı eskertu retınde özımızge jazyp alaiyq. Sebebı öte maŋyzdy mäsele köterıp otyrsyz. Mūndai şeşımdı ekıjaqty qarastyruǧa tyrysamyz. 9-synyp bıtırgen oquşylar üşın jūmys ısteuge de, grantqa oquǧa tüsuge de tiımdı jaǧyn qarastyramyz. Osy sūraqty öz tarapymyzdan Bılım ministrlıgıne joldaimyz. Jaqyn uaqytta jauaby berıledı dep oilaimyn» dedı Mäjılıs deputtatary.
Jiyn barysynda studentter jataqhananyŋ eskı ärı jöndeu jūmystaryn qajet etetını turaly da mäsele köterdı. Būl mäsele boiynşa kolledj basşysy Myrzabek Küjımov oqu orny jyl saiyn öz qarajatynan jöndeu jūmystaryn jürgızetının aitty.
Aizada JAIYQQYZY
