– Prezidentımızdıŋ Qazaqstan ūlttyq telearnasyna bergen sūhbatyn körıp şyqtyq. Memleket basşysy sūhbat barysynda halqymyzdy mazalaǧan özektı mäselelerge toqtalyp, elımızdıŋ damuy men bolaşaǧy turaly oilaryn bıldırdı.
Qasym-Jomart Kemelūly qaŋtar oqiǧasynan keiın elımızde qalyptasqan jaǧdaiǧa keŋınen toqtalyp öttı. Qazır qoǧamda ūstalǧandarǧa qatysty qūqyq būzuşylyq derekterı turaly jiı aitylyp jatqany belgılı. Memleket basşysy būl mäseleler boiynşa bırneşe ret jiyn ötkızıp, naqty tapsyrmalar berdı. Bügıngı sūhbatynda da azamattarymyzdyŋ qūqyǧyn qorǧau jäne ärbır ıs boiynşa ädıl şeşım şyǧaru asa maŋyzdy ekenın atap öttı. Prezidentımız aitqandai, azamattardyŋ qūqyǧyn būzǧandar jazasyz qalmaidy.
Qazırgı taŋda elımızde barlyq salada jüielı reformalar jürgızılıp keledı. Qasym-Jomart Kemelūly mūndaǧy basty maqsat – eldıŋ äl-auqatyn arttyru, ädılettı qoǧam qūru, oligopoliiany joiu, saiasi transformasiia jasau jäne elımızdıŋ ekonomikalyq damuyn jedeldetu ekenıne basa män berdı. Būl – halyqtyŋ talap-tılegı.
Memleket basşysy töŋkerısşıler osy reformalarǧa kedergı keltırıp, elımızdıŋ ırgesıne syzat tüsırudı közdegenın aitty. Mūndai qiyndyqtar reformalardy şekteuge emes, kerısınşe olardy qarqyndy jürgızuge sebep bolady dep senemız. Sūhbattan Prezidentımızdıŋ osyndai qaǧidaǧa arqa süiep otyrǧanyn baiqau qiyn emes.
Sonymen qatar, sūhbatta qoǧamǧa maŋyzdy ideologiialyq messendjder de nazardan tys qalǧan joq. Bız bügınde «Jaŋa Qazaqstandy» qūramyz degen jospardyŋ aiasyna toptastyq. Ärine, būl jospar özdıgınen jüzege aspaityny tüsınıktı. «Jaŋa Qazaqstannyŋ» qozǧauşy küşı – bızdıŋ azamattarymyz, olardyŋ Otanǧa degen adaldyǧy, eŋbekqorlyǧy men bılıktılıgı.
«Jaŋa Qazaqstan» – jaŋa mındet, ortaq mūrat. Oǧan qol jetkızu üşın ärbır azamat öz salasynda sapaly eŋbek etuge tiıs. Qazır elımızdıŋ täuelsızdıgı men memlekettılıgın saqtap, ärı qarai nyǧaitu – eŋ basty mındet.
Prezidentımız aitqandai, qazaqstandyqtardyŋ Qazaqstannan basqa Otany joq. Osy ortaq Otanymyzdy odan ärı damytu jäne jaŋartu jolynda barşamyzdyŋ jūdyryqtai jūmylyp äreket etuımız asa maŋyzdy.
Qūrmettı dostar, sondyqtan eldıŋ bereke-bırlıgın saqtap, sabyrlyq pen jauapkerşılıkke taban tırep, baisaldylyq tanytyp, bar mäselenı baiyppen şeşuge küş jūmsauymyz qajet. Osy jolda bärımız Prezidentımızdıŋ saiasatyn qoldap, «Jaŋa Qazaqstandy» qūruǧa belsendı atsalysaiyq.
Mäulen ÄŞIMBAEV,
Qazaqstan Respublikasy Parlamentı Senatynyŋ töraǧasy
