Memleket basşysy Qasym-Jomart Toqaevtyŋ Ūlttyq qūryltaidyŋ «Adal adam – Adal eŋbek – Adal tabys» atty üşınşı otyrysynda söilegen sözın tyŋdaǧanda ūly Abaidyŋ: «Qazaqqa küzetşı bolaiyn dep, bız de el bolyp, jūrt bılgendı bılıp, halyq qataryna qosyludyŋ qamyn jeiık dep niettenıp üirenu kerek» degen janaşyr sözı erıksız oiǧa oraldy. Prezident oiynyŋ Abai sözımen ündesuın onyŋ osy qūryltaida aitqan eldıŋ el bolu baǧytyna ūsynǧan alty qūndylyǧy däleldeidı.
Üşınşı qūryltaida halqyna sengen Prezident: «Bızdıŋ aldymyzda üş airyq jol tūr: qūldyrau, toqyrau nemese örleu. Bız ärdaiym örleudı taŋdaimyz. Ärine, örge şyǧu oŋai emes. Talai qiyndyq tuyndauy mümkın. Soǧan qaramastan, tek alǧa ūmtyluymyz kerek» dep el bolaşaǧyna aparar joldy anyq körsetıp berdı. Endıgı jol – adal jolǧa tüsıp, memleketımızdıŋ kösegesın kögertu. «Jūmyla kötergen jük jeŋıl» degen babalarymyz.
Prezident ūsynǧan qūndylyqtar jüiesı qoǧamdaǧy barşa jūrtqa: el basqarǧanǧa da, eŋbekkerge de, ūstazǧa da, şäkırtke de, bala tärbielep otyrǧan ata-anaǧa da baǧyt-baǧdar bola alady. Eŋ bastysy – adal niet, otanşyldyq jürek, taza namys.
Qasym-Jomart Kemelūly önege ǧyp ūsynǧan mysal bärımızdı oiǧa qaldyrsa eken: «Japoniiada, Oŋtüstık Koreiada, Qytaida, Singapurda jaǧymdy mysal köp, osy elder köpke ülgı bolyp otyr. Al bız nege olardan kem boluymyz kerek?».
Är adam öz ornynda, öz qyzmetınde adal azamat bolsa, Abai aitqandai, «nūrly aqyl, ystyq qairat, jyly jürektıŋ» iesı bolyp, är ısın ädıletke synatsa, Qazaqstan aldaǧy on jylda-aq biıktı baǧyndyryp, eŋsesı biık el bolady. Sebebı bızdıŋ memleket – jas memleket. Jastarymyzdyŋ ülesı köp ärı qazır olar öte talantty, kreativtı jäne jasampazdyqqa qūştar.
Atyraudaǧy üşınşı qūryltaida Prezidentımız «Öz käsıbın öte jaqsy bıletın, oǧan äbden berılgen, eŋbekqor adam ǧana tabysqa jete alady. Men Memleket basşysy retınde azamattardyŋ, äsırese, jastardyŋ közı aşyq, dünietanymy keŋ bolǧanyn qalaimyn. Bala eseigen soŋ qanattanyp, ūiadan ūşuǧa tiıs. Basqa aimaqtarda, tıptı, şetelde bılım aluy qajet. Özge jūrttyŋ qalai ömır sürıp jatqanyn körgenı abzal. Sondai-aq qai jerde özıne jäne elıne paidasy tise, sol jerge baryp eŋbek etuı kerek» degen sözımen jastar äreketınıŋ bereketı bar ekenın anyq tüsındırdı.
Qandai oqu orny bolmasyn onyŋ abyroiy da, bedelı de – onyŋ tülekterı. Uaqyt bezbenı bärın de ölşeidı, ekşeidı. Bolaşaqta ǧylymda bolsyn, eŋbek maidanynda bolsyn halyqaralyq bılım ordasynan ūşqan tülekter ülken biıktı baǧyndyratynyna senemız. Memleket basşysy Qasym-Jomart Toqaevtyŋ Ūlttyq qūryltaidyŋ «Adal adam – Adal eŋbek – Adal tabys» atty üşınşı otyrysynda söilegen sözı barşamyzǧa ruh berıp, qaitkende Qazaq elıne adal azamat bolamyz, qandai bastamany qolǧa alsam eken degen jıger syilady.
Gültas QŪRMANBAI,
Nazarbaev universitetınıŋ professory,
Ūlttyq mädeniet ortalyǧynyŋ direktory
