Qazaqstan Prezidentı Polşa Respublikasy Senatynyŋ Marşaly (Spikerı) Tomaş Grodzkiidı qabyldady. Memleket basşysy Qasym-Jomart Toqaev elımızge resmi saparmen kelgen Polşa Respublikasy Senatynyŋ Marşaly Tomaş Grodzkiimen kezdesu ötkızdı. Äŋgımelesu barysynda ekıjaqty yntymaqtastyqty damytu perspektivasy talqylandy.
«Parlamenttıŋ būrynǧy Spikerı retınde parlamentaralyq diplomatiiany damytuǧa basa män beremın. Elderımızdı būrynnan berı kele jatqan dostyq jäne köptegen baǧyttar boiynşa yntymaqtastyq bailanystyratynyn atap ötkım keledı. Polşany Qazaqstannyŋ Ortalyq Europadaǧy maŋyzdy ärı senımdı serıktesı dep bılemız. Polşada bolyp jatqan jaǧdaidy jıtı baqylap otyramyz. Sızdıŋ elıŋızge jäne halqyŋyzǧa zor qūrmetpen qaraimyz» dedı Qasym-Jomart Toqaev.
Öz kezegınde Tomaş Grodzskii Qasym-Jomart Toqaevqa qonaqjailyq körsetkenı üşın alǧys bıldırıp, Qazaqstan Parlamentı qos palatasynyŋ töraǧalarymen tabysty kezdesuler ötkızgenı turaly aitty. «Qazaqstanǧa saparymyz ekı el arasyndaǧy özara bailanysty damytuǧa tyŋ serpın beredı dep oilaimyn. Täuelsızdıktıŋ 30 jyly ışınde Sızderdıŋ elderıŋızdıŋ damu qarqyny taŋǧaldyrǧanyn şynaiy türde moiyndaimyz. Būl Qazaqstannyŋ Tūŋǧyş Prezidentınıŋ köregendılıgınıŋ arqasynda jüzege asyryldy. Halyqtarymyz ekonomikalyq daǧdarystyŋ kürdelı kezeŋınde dami bastady. Qazaqstandy damytu, Nūr-Sūltan qalasyn örkendetu jäne elıŋızde demokratiiany qalyptastyru jolyndaǧy jetken jetıstıkterıŋız bızge erekşe äser ettı» dedı Polşa Senatynyŋ spikerı.
Kezdesu barysynda ekı el arasyndaǧy sauda-ekonomikalyq, investisiialyq, infraqūrylymdyq jäne bılım beru salalary boiynşa bailanystardy damytu äleuetı atap ötıldı. Tomaş Grodzkii Aqmola oblysyna saparmen baryp, ondaǧy poliak diasporasy ökılderımen ötkızgen kezdesuıne qatysty oi-pıkırın ortaǧa saldy. Polşa Parlamentı joǧarǧy palatasynyŋ basşysy deportasiia jyldarynda qazaq halqynyŋ dostyq nietı men qonaqjailylyǧynyŋ arqasynda Qazaqstan poliaktardyŋ ekınşı Otanyna ainalǧanyn atap öttı.
