Bügın – ejelgı Esıl jūrtqa elorda kelıp qonǧan kün.
Täuelsız Qazaqstan 1997 jyldyŋ 10 jeltoqsanynda öz astanasyn jer ūiyǧy Jetısudyŋ örınen saiyn Saryarqanyŋ törıne köşırdı.
Būl ūlt tarihyndaǧy ūmytylmastai taŋbalanǧan därejelı datalardyŋ bırı boluǧa tiıs.
Alaş balasynyŋ abyroiyn asqaqtatqan Astana aŋyzy qalai bastalǧanyn qaitalap aitudyŋ artyqtyǧy joq şyǧar.
Endeşe, eptep eske tüsıreiık.
«Qazaq ädebietı» gazetınde menıŋ Qazaq memlekettık universitetınde bırge oqyǧan kurstasym Dosymhan Qapasovtyŋ Aqmolany qazaqtyŋ kındık qalasyna ainaldyru qajettıgı jaiynda mäsele kötergen kölemdı maqalasy jaryq körgende qalyŋ köpşılıktıŋ syŋar ezulep külgendei syŋaida qabyldaǧany jasyryn syr emes. Demokratiia demeuımen, jariialylyq jeleuımen jelıkkender ne demei jatqan kez edı ol. Jeldıŋ qai jaqtan soǧyp tūrǧanyn aŋǧarmaǧan aŋqau basymyz mūny älgı ärıptesımızdıŋ aiaq astynan Amerika aşqandai orynsyz oi-ūsynysyna balap qoia salǧanbyz.
Köp keşıkpei köŋıldegı küdık ömırdegı şyndyqqa ainala bastady.
Mäselenıŋ mänısın Parlament talqylaǧanda bır-aq bıldık. Söitsek, alǧaşynda aluan pıkır tudyrǧan, artynan amalsyz moiyndalǧan osynau orasan baǧaly ideianyŋ naǧyz iesı – Elbasymyz Nūrsūltan Nazarbaev eken.
Jaŋaǧa qaşanda jatyrqai qaraityn äleumet äu basta ärtürlı äŋgımelerdı gulettı.
– Egemendıktıŋ eleŋ-alaŋynda ekonomikasy qūldyraǧan elde kem-ketıgın bütınder basqa şarua qūryp qalǧandai…
– Arudai sylanǧan Almatyny jazda masasy, qysta aqyrǧan aiazy buatyn Aqmolaǧa aiyrbastap…
– Aiǧa şapqan arystandai… Dosqa külkı, dūşpanǧa taba bolmasaq jarar edı…
Al, endı Reseidıŋ keibır kerauyz aqparat qūraldary atasynyŋ qūny ketkendei keketıp-mūqatqan kezderde auyl arasyndaǧy aitys-tartystardan tartynyp, syrttan synauşylarǧa qarsy bırıge qalatynymyzdy qaitersıŋ.
Namysyn qairaǧan Nazarbaev alǧan betınen qaitpady. Alla abyroi berıp, bastaǧan ısın baiandy ettı. Oidaǧy armany oryndaldy. Dünie jüzıne qazaqtyŋ qaisar halyq ekenın däleldedı.
Astana avtorynan aumaidy.
Alar asuy biık.
Abyroi-daŋqy aspandap tūr.
Bes qūrlyqqa belgılı bedelı bar.
Ainalasyna tatulyq aurasyn taratady.
Beibıtşılıktıŋ ırgetasyn bekemdeidı.
Ambisiiasy Alataudai.
En jahandaǧy eŋ jas elorda ekenıne qaramastan ainalasyna arǧy-bergınıŋ bärın bıletın aq saqaldy abyzdyŋ aqylyn aitady.
EQYŪ-nyŋ sammitın, Aziianyŋ qysqy oiyndaryn, taǧysyn taǧy
talai halyqaralyq alqaly jiyndardy atqaryp tastady.
Endı EKSPO-nyŋ körmesın ötkızbek.
Qazaqstannyŋ ışkı-syrtqy saiasatyna qatysty saliqaly şeşımderdıŋ barlyǧy osynda qabyldanady.
Örkeniet ürdısımen örkendegen elımızdıŋ özge öŋırlerıne ülgı-önege körsetedı.
Öitkenı, ol – Otanymyzdyŋ basty ordasy.
Elbasy erlıgı men örlıgınıŋ anyqtama sūramas aiǧaǧy.
Astana – ädemı, taza, qauıpsız, aqyldy, sol sebeptı adamnyŋ tūrǧysy keletın qala.
Meiırban jandar mekenı.
Endeşe, erteŋı nūrly elordamnyŋ eŋsesı ertegı batyrlaryndai biıktei bersın!
Talǧat BATYRHAN
