Qalibek Quanyşbaev atyndaǧy Memlekettık akademiialyq qazaq muzykalyq drama teatry jaŋa HHII mausymyn aşty.
Mausymaşarǧa şaqyrylǧan qonaqtardyŋ barlyǧy elımızdıŋ qaitalanbas bırtuar öner qairatkerı, aituly rejisser Äzırbaijan Mämbetovtıŋ 80 jyldyǧyna arnalǧan «Rejisser taǧylymy» atty döŋgelek üstelge qatysty. Alqaly jiynnyŋ aldynda qadırmendı önersüier qauymǧa qazaqtyŋ atyn älemge tanytuda eren eŋbek sıŋırgen osynau tūlǧaǧa arnalǧan tūŋǧyş kıtaptyŋ tūsauy kesıldı. «Rejisser Mämbetov fenomenı» dep atalǧan tuyndy avtory Kümısbala Moltobarova kırıspe sözınde rejisserdıŋ közı tırısınde jazyla bastaǧan eŋbegı turaly az-kem äŋgımelep, qonaqtar tarapynan qoiylǧan saualdarǧa jauap berdı.
Teatr jäne kino önerınde qaitalanbas ız qaldyryp, özındık bet-beinesımen erekşelene bılgen rejisserdıŋ soŋynda qalǧan eŋbekterı az emes. Astana teatrynyŋ deŋgeiın köteru jolyndaǧy şyǧarmaşylyq ızdenısı öz jemısın berıp keledı. Qalleki teatrynda ol belsendı qyzmet ettı. Qazırgı belgılı degen ärtısterdıŋ denı sol kezde elordaǧa alǧaş at basyn tıregen jas mamandar edı. Qazır aldy Qazaqstanǧa Eŋbek sıŋırgen qairatker ataǧyn iemdenıp jatqanyn aita ketken jön. Elbasynyŋ şaqyrtuymen Astananyŋ drama teatryna körkemdık jetekşı bolǧan künnen bastap aiadai ǧana sahnany güldei jainatqan rejisser Ş.Aitmatovtyŋ «Ana – Jer-Ana», «Ǧasyrdan da ūzaq kün», M.Äuezovtıŋ «Qaragöz», Ǧ.Müsırepovtıŋ «Qozy Körpeş – Baian sūlu», «Qyz Jıbek», A.Chehovtyŋ «Vania aǧai» jäne t.b köptegen pesalardy sahnalady. 2000 jyly Ä.Mämbetovtıŋ tıkelei atsalysuymen elordada opera teatry aşylady. Sol öner ordasynyŋ tyrnaqaldysy M.Tölebaevtyŋ «Bırjan men Sara» operasyna da özı rejisserlık etken. Sol jyly ol «Halyq Qaharmany» ataǧyna ie bolady.
Basqosuǧa rejissermen bırge qyzmet et- ken ärıptesterı qatysty. Olardyŋ qatarynda jary Qorlan Qalilambekova, Qazaqstannyŋ Halyq ärtısterı Güljan Äspetova, Tılektes Meiramov, teatr synşysy Bauyrjan Nögerbek, önertanuşy Öten Ahmet, sahna saŋlaqtary Erık Joljaqsynov, Bekbolat Qūrmanǧojaev jäne t.b. köptegen teatr janaşyrlary kesek tūlǧa jönınde tebırene söz söilep, ızgı lebızderın bıldırdı. Äserlı kezdesudı mausymaşarǧa orailastyrǧan teatr direktory Erkın Juasbek biylǧy şymyldyqaşar Ä.Mämbetovtıŋ rejisserlyǧymen qoiylǧan «Ǧasyrdan da ūzaq kün» spektaklın köruge şaqyrdy. Qoiylymnan keiın rejisserdıŋ ruhyna baǧyştalǧan as berıldı. Al, mūndai igılıktı şaraǧa arnaiy at basyn būrǧan Mädeniet basqarmasy bastyǧynyŋ orynbasary Samat Tergembaev qala auqymynda da mereilı keşter jalǧasyn tabady dep eskertıp, būl şara atalmyş basqarmada josparlanyp jatqanyn mälım ettı.
«Ǧasyrdan da ūzaq kün» spektaklıne repetisiia jasap jatqanbyz. Sonda men nemeresın jetektegen kempır bolyp sahnany jaryp ötem. Bır jürıp öttım, Äzekeŋ maǧan qarady da, ainalaŋa qaraşy, myna būryşta senıŋ şalyŋnyŋ ziraty, myna jerde ūlyŋ jatyr, mūnda kelınıŋ, zal tola senıŋ et jaqyndaryŋnyŋ molasy dep elestetşı dedı. Men sol sözdı kökeiıme tüiıp, sahnaǧa qaita şyqqanymda, ol toqtatpady. Toqtatpady degenım ol mendegı özgerıstı ūnatty degen söz edı. Osyndai bır auyz sözben senıŋ jetkıze almai tūrǧan beineŋdı aşuǧa bar yntaŋdy audaryp jıberetın erekşelıgı bar edı» dep eske alady ūstazyn şäkırtı Gülbarşyn Qylyşbai.
Şynar ÄBILDA
