Keşe elordadaǧy Qazaqstan Respublikasynyŋ Tūŋǧyş Prezidentı – Elbasy kıtaphanasynda «Azamattyq qoǧam jäne memleket» atty taqyrypta VIII qalalyq forum öttı. Forum jūmysyna Astana qalasynyŋ äkımı Baqyt Sūltanov qatysty.
Būl forumda memlekettık organdar men ükımettık emes ūiymdar üşın tiımdı sūhbat alaŋy örbıp, azamattyq sektordy damytudyŋ özektı mäselelerı talqylandy.
Jiynda qala basşysy segızınşı ret ötıp otyrǧan forumnyŋ maŋyzyna salmaq salyp söiledı.
– Būl basqosudyŋ negızgı maqsaty elordadaǧy azamattyq qoǧamdy damytu baǧytynda atqarylǧan jūmystardy ortaǧa salyp, talqylau bolmaq. Sonymen qatar, Elbasymyzdyŋ Qazaqstan halqyna Joldauynda aitylǧan äleumettık bastamalardy ıske asyrudaǧy bırlesken ıs-qimylymyzdyŋ negızgı basymdyqtaryn aiqyndau.
Bügınde elorda äkımdıgı men 30-dan astam ükımettık emes ūiymdar bırlesıp, 463 million teŋgege 66 äleumettık maŋyzy bar jobalardy jüzege asyrdy. Memlekettık baǧdarlamalardy ıske asyruda ükımettık emes ūiymdar qoǧamdyq pıkırdı eskere otyryp, jūmys ısteu mümkındıgın tuǧyzdy. Mysaly, «Astana – adaldyq alaŋy» jobasy aiasynda Bılım basqarmasy men oǧan qarasty mekemelerdıŋ qyzmetıne ÜEŪ ökılderı men ata-analar qauymdastyǧy baqylau ıs-şaralaryn qolǧa aldy. Sondai-aq, «Qarsy» jastar ūiymymen jastar arasyndaǧy sybailas jemqorlyqqa qarsy tärbie jūmystary qolǧa alynyp, mektepterdegı keleŋsız jaǧdailarǧa bailanysty saualnama jürgızıldı. Qazır qalamyzda 80-ge juyq jastar ūiymdary tırkelse, solardyŋ 30-y qaladaǧy qoǧamdyq-saiasi, mädeni şaralarǧa belsendı atsalysady. Qysqasy, ükımettık emes ūiymdar äleumettık, ekonomikalyq, qūqyqtyq mazmūndaǧy mäselelerdı şeşude memlekettık organdardyŋ senımdı serıktesı ekenın aitqym keledı, – dedı elorda äkımı.
QR Qoǧamdyq damu ministrı Darhan Kaletaev öz sözınde bas şaharda azamattyq bastamalar ortalyǧynyŋ qūrylysy bastalǧanyn jetkızdı. «Qazır äleumettık käsıpkerlıktı damytuǧa arnalǧan jobalar qolǧa alyndy. Osy maqsatta arnaiy sala mamandaryn şaqyryp koucher oqytylady. Jäne elımızdıŋ barlyq aimaǧynda äleumettık jobalardyŋ kartalary jasalady» dedı ministr. Sonymen qatar, Darhan Kaletaev aldaǧy 27-28 qaraşada respublikalyq azamattyq forum ötetının habarlady. Forum barysynda sūhbat alaŋynda 4 seksiialyq şara ūiymdastyrylyp, ükımettık emes ūiymdardyŋ eŋ üzdık äleumettık jobasy marapattaldy.
